จากเสียงเอิ้นของลุงแดง... "กิ๋นข้าวตอนละยัง".... กิ๋นแล้วครับ เป๋นกำตอบ.... แต่เพื่อหละลายความวุ่นวายของลุงแดง... เอา ไปก่อไป... กำถามต่อมาก่อคือ... กิ๋นไหนดี.... อื่มมมม... กึ๊ดนักละกำนั้น... กึ๊ดถึงฮ้านน่าฮักๆ อยู่ฮ้านนึ่ง.... เอา... ป๊ะไปเลย ป๊า.... ไปหลังวัดอุโมงค์... (ฮิ ฮิ ศิษย์เก่าวัดนี้เหมือนกั๋น เลยไปโหม้งเก่าซักหน่อย)...
คลิกเพื่อดูไฟล์แนบ

หนตางไปตี่นี่ก่อว่าไปแล้วก่อบ่ายาก ไปถนนสายสุเทพเก่า กาตี่เฮาจ่างฮ้องว่าถนนหลังมอชอ... จะมีกองแยกเข้าวัดอุโมงค์... (ไปแหมกำนี่เปลี่ยนไปนักเหมือนกั๋นเน่อในกองนี้นา ตึงปากกอง ในกอง มีตึกมีบ้านนักขึ้น)..
ขี่รถไปถึงหน้าวัดอุโมงค์แล้วแยกไปตางซ้ายซักหน่อย... จะมีตางแยกอยู่...
คลิกเพื่อดูไฟล์แนบ

เฮาก่อเลี้ยวไปตางขวามือไปตางหลังวัดอุโมงค์ กาไปตางวัดร่ำเปิงนั้นนะ...
คลิกเพื่อดูไฟล์แนบ

ขี่ไปติ๊กๆ จะป๊ะใส่ป้ายของสถานีพัฒนาและส่งเสริมสัตว์ป่า... ถ้าว่าจะมาแอ่วก่อนก่อได้เน่อตี่นี่มีกว๋างนักอยู่พ่อง... กาว่าจะมาแว่ต๋อนกิ๋นข้าวแล้วยามลูนก่อได้... แต่แน่ๆ ถ้าหันป้ายนี้แป๋ว่ามาถูกทางละ ขี่รถไปติ๊กๆ เต๊อะ...
คลิกเพื่อดูไฟล์แนบ

เฮาก่อจะมาแผวหน้าวัดร่ำเปิง... เลยมาซักหน่อยน่อ... สูมาเต๊อะเน่อ ถ่ายหน้าวัดมาบ่าตัน อันนี้เป๋นห้องแถวถัดหน้าวัด สังเกตตั๋ดนี่ก่อได้เน่อ.... ว่าจะแผวแล้ว...
คลิกเพื่อดูไฟล์แนบ

ถ้าว่าหันฮั้วจะนี้ละก่อแม่นมันละเน่อ....
คลิกเพื่อดูไฟล์แนบ

ตั๊ดฮั้วจะมีป้ายบอกว่าฮ้าน คุณหนิงเส้นอร่อย...
คลิกเพื่อดูไฟล์แนบ

กาว่าจะกอยป้ายนี่ก่อได้ ถ้าหันก่อแป๋ว่าแผวละ เลี้ยวรถเข้าไปจอดในบ้านก่อได้มีตี่อยู่พ่องเน่อ...
คลิกเพื่อดูไฟล์แนบ

เข้าประตู๋บ้านไปก่อจะหันฮ้านเปิ่นเด่นอยู่จะเนี๊ยะ...เป๋นฮ้านตี่อยู่ในสวนของบริเวณบ้านเปิ่น..
คลิกเพื่อดูไฟล์แนบ

เตียวเข้าหน้าฮ้านไปเลยน่อ...
คลิกเพื่อดูไฟล์แนบ

วันนี้มีหยังพิเศษก่อจา......
คลิกเพื่อดูไฟล์แนบ

ผ่อตี่เยี๊ยะกิ๋นของเปิ่นก่อสะอาดต๋าดี... เหมือนบ้าน... น่าฮักแหมแบบ ฮู้สึกว่ากั๋นเองๆ... ลวดเตียวไปกอยตางในฮ้านก่อน..
คลิกเพื่อดูไฟล์แนบ

มีตี่นั่งในสวนติดกั๋นกับตี่เฮานั่ง... วันนี้บ่าได้ลงไปนั่งตั๋ดฮั้นเพราะกั๋วฝนกับยุง.... แต่ถ้าว่าเป๋นต๋อนแดดดีๆ ท่าจะโรแมนติกดีแต้ๆ... มีหลายมุมเน่อ...
คลิกเพื่อดูไฟล์แนบ

ผ่อกั๋นไปเน๊าะ...
คลิกเพื่อดูไฟล์แนบ

ไผไค้นั่งโต๊ะไหนก่อเลือกเอา...
คลิกเพื่อดูไฟล์แนบ

บรรยกาศน่า ไปจิม เจ้าลุง

เลยไปแห๋ม หน้อย ปู่โย่ง ลูกจิ้นลำปาง นะเจ้า

ว่างๆ ไปแว่เน่อป้า... หร่อยๆๆๆ...
.......................
เอา... เลือกตี่นั่งกั๋นต่อ...
คลิกเพื่อดูไฟล์แนบ

เอาละมานั่งสั่งดีกว่า.... มีหยังกิ๋นพ่องนิ...
คลิกเพื่อดูไฟล์แนบ

กอยแหมหล่ายเมนูน่อ...
คลิกเพื่อดูไฟล์แนบ

ป๊าแดงสั่งไปแล้ว... ผัดหมี่ รายก๋านนี้ถ่ายบ่าตันเพราะลุงแกหิวจ๊ดไปก่อน ส่วนเฮาขอลองอะหยังเบาๆ เพราะกิ๋นเข้ามาพ่องละ เอาเป๋นเกี๊ยวกรอบยำก่อแล้วกั๋นมันจะเป๋นจะใด...
คลิกเพื่อดูไฟล์แนบ

หละหว่างรอก่อกอยบรรยากาศไป...
คลิกเพื่อดูไฟล์แนบ

กึ๊ดใจ๋ได้สั่งน้ำมากิ๋นก่อนน่อ... ป๋าแดงสั่งชาดำเย็น กาตี่เขาจ่างฮ้องว่าชาบ่านาว... (กิ๋นอย่างคนเฒ่าแต้ละน่อ ฮิ ฮิ)..
คลิกเพื่อดูไฟล์แนบ

ส่วนคนหนุ่มอย่างเฮานี่มันต้องหวานแหววหน่อย... น้ำบ่านาวดอกอัญชัน... เป๋นใดเล่า... เด็ดก่อ.. ผ่อสีลอนั่น... ม่วงๆ แบบนี้กำเดียวน้องโจ้หันละกริ๊ดดด ใส่ละจะเยี๊ยะจะใดละนั่น... ฮิ ฮิ...
คลิกเพื่อดูไฟล์แนบ

เอาละของกิ๋นเฮามาละ... อันนี้เฮาลองแล้ว.... อื่อ... ลำแต้เน่อ ก่อยๆ กิ๋น เอาน้ำขี้แหย่มันมาวางบนใบเกี๊ยวทอดละก่อเอาเข้าปาก ก่อยๆ เกี๊ยว... รสชาติมันจะค่อยๆ แผ่ซ่านดีแต้ๆ แต่อย่าลืมบีบบะนาวลงไปโตยนา... มันจะออกหวานอมส้มอมมัน... แจ่ม.. ฮิ ฮิ..
คลิกเพื่อดูไฟล์แนบ

ป๊าแดงทนความเย้ายวนบ่าไหวเลยลองสั่งบะหมี่แห้งขาหมูมาลอง... รสชาติเป๋นจะใดต้องถามลุงแดงเน่อ... เฮาเกยไปกิ๋นมาก่อนหน้านี้บอกได้กำเดียวว่า.... แหล่ม.... ฮิ ฮิ... (คนต้องก๋านลดหุ่นต้องพิจารณาเล็กน้อย ฮ่า)...
คลิกเพื่อดูไฟล์แนบ

วันนั้นกิ๋นเสร็จคิดตัง.... ฮิ ฮิ... แม่ก้าลดหื้อห้าบาท... เป๋นงง เหมือนกั๋น สงสัยป๊าแดงจะหล่อแม่ก้าเลยลดราคาหื้อ.... ฮิ ฮิ... ขอบคุณจ๊าดนักเน่อครับ... (ลดแบบนี้บ่าเกยเห็นในห้างฝรั่งซักเตื่อเลย... เนี๊ยะก้าขายแบบคนเมือง... น้ำใจ๋แต้ๆ เลนครับ)...
คลิกเพื่อดูไฟล์แนบ

แต้ๆ ของกิ๋นเปิ่นมีหลายครับ มีแบบจานเดี่ยวจานด่วน ดัดแปลงได้ต๋ามสั่ง... จะเอาจะใดว่ามา... เหมือนอยู่บ้าน... จะมานั่งอ่านหนังสือเล่นม่วนๆ ไปก่อนก่อได้ บ่าว่าหยัง ลุงแดงเลยหื้อไอเดียว่าน่าจะมีกาแฟสดซักหน่อยต๊ะ... เลยเป๋นเรื่องหื้อต้องไปเซาะหากาแฟกิ๋นกั๋นต่อนั้นเน๊าะ.... ฮิ ฮิ... วันนี้กั๊ดละไปเซาะกาแฟกิ๋นก่อนเน่อ...
คลิกเพื่อดูไฟล์แนบ

แถมแผนที่ต๋ามกำเรียกร้องคร๊าบบบบบ....
คลิกเพื่อดูไฟล์แนบ
วันนี้ไปละเน่อ.... สวัสดี...

ป้านิ่มขรา...........ปาน้องหมวยไปจิมกำเต๊อะเจ้า คนเฒ่าไปบ่จวนกั๋นแฮ๋มแย้ว

เอิ่ม..หันลายได้ไปจิมคนเดียวละนิ


ขอบคุณลุงตรีครับผม ..หาที่กินใหม่ได้อีกที่ละ

เปิงใจ๋น้ำบ่ะนาวดอกอัญชันเจ้า อิอิ

อุอุ..อยู่แถวบ้านเฮานี่บ่าดาย หยังบ่เกยหันนิ หยั่งอี้ต้องไปจิมซะแย้วว

เอาฮูบมาฮอมปอยตวยครับ

ร้านนี้ของกิ๋นลำแต้ๆ

คลิกเพื่อดูไฟล์แนบ

แบบแห้งผ่องเน้อ

อันนี้ไปกินเมื่อใด ต้องสั่งตลอด มักแต้ๆ

คลิกเพื่อดูไฟล์แนบ

อันนี้ปรุงคนเดียวคับ แต้ๆเปิ้นมะใส่น้ำตาลขนาดนี้เน่อครับ - -"

คลิกเพื่อดูไฟล์แนบ

อาหารจานเดียวก่อมีครับ

คลิกเพื่อดูไฟล์แนบ

มือใหม่หัดถ่ายครับ

หยังใดก่อคงจะมีโอกาสเอาฮูบมาฮอมเเหมเน้อครับ

กระทู้นี้ LOVE เลยค่ะ

อุอุ มีฮิมนี่บ่าดาย เที่ยงนี้เสร็จข้าแน่

ผมไปมะใดบ่ะเกยเปิดซักเตื้อ

กาว่าบ่ะขายแล้วคับ -*-