กึ๊ดใจ๋ว่าจะเอาฮูปหละอ่อนตี่ไปป๊ะบนถนนคนเตียวสันก๋ำแปงมาลง.... ลุงรัตน์เล่นลงฮูปหละอ่อนหางดง... ป๊าดโท๊ะอยู่บ่าได้ละขอลงโตยพ่อง.... เผื่อหื้อไผๆ ตี่ยังบ่ามีลูกมีหละอ่อน จะขะใจ๋ๆ ต๋อนนี้ก่อหน้าฝนซึกๆ ละเน่อ...
คลิกเพื่อดูไฟล์แนบ

ในโลกนี้บ่าว่าแมงหมะหยังยามหน้อยมันตึงน่าฮัก.... อันเฮานี้กึ๊ดเอาว่า ความน่าฮักนี่มันเป๋นอาวุธหรือจะฮ้องว่าเป๋นเครื่องมือหากิ๋นของหมู่หละอ่อนแต้ๆ เพราะลองมันบ่าน่าฮักน่าจังซักหน่อยนึ่งนี่นา... เขาจะปากั๋นบ่าเลี้ยงมันนั้นเน๊าะ....
คลิกเพื่อดูไฟล์แนบ

ละถ้าว่าถามย้อนว่าเฮาเฮียนฮู้อะหยังพ่องจากหละอ่อน.... เอ่อ... เน๊าะ... บ่าใจ่กากอยว่ามันน่าฮักอย่างเดียว... เฮาน่าจะปากั๋นมากอยว่าเฮาเฮียนฮู้อะหยังจากหละอ่อนได้พ่อง... (ทั้งๆ ที่กุ๊คนก่อเกยเป๋นหละอ่อนมาก่อน.. แต่เฮาอาจจะบ่าเกยเฮียนฮู้จักความเป๋นหละอ่อนเลยก่าได้เน๊าะ)...
คลิกเพื่อดูไฟล์แนบ

มันน่าเฮียนฮู้ว่า... เอ... หละอ่อนมันอ่อนแอขนาดหนัก... เปิ่งป๊ะอาศัยอะหยังก่อบ่าได้ ละจะใด มันยังสามารถอยู่รอดมาได้ เติบใหญ่มาได้.... อันนี้มันน่ากึ๊ด...
คลิกเพื่อดูไฟล์แนบ

อะหยังคือท่าไม้ต๋ายของหมู่หละอ่อน.... อันเฮานี้กึ๊ดว่า... มันน่าจะเป๋นความดีของเขา... ความตี่เขามีจิตใจ๋อันดีงามอยู่นัก... มีความใสซื่อ เหมือนกับว่าเขามีศีลอยู่กับต๋นตั๋ว....
คลิกเพื่อดูไฟล์แนบ

ถ้าเกิดว่าหละอ่อนมันกิ๋นเหล้าเมาตึงวัน... (ท่าจะดูแปลกๆ) มันจ่างวอกนัก มันแอ่วไปไล่ฆ่าแก๋งเปิ่น มันไปลักเป๋นจู้เปิ่นบ่าเลือก (อันนี้ก่อดูแปลกๆ) วันๆ มันได้ก่าลักก่าเม้มของๆ เปิ่น... สงสัยท่าจะบ่ามีไผฮักไผเอ็นดูมันนะ...
คลิกเพื่อดูไฟล์แนบ

่เพราะเขาบ่าได้ประพฤติจะนั้นในยามหน้อย... ยามไร้เดียงสา... ทำหื้อศีลตี่มีส่งผลหื้อมีความผ่องใส... น่าฮัก... น่าทนุถนอม...
คลิกเพื่อดูไฟล์แนบ

เป๋นความสามารถเพียงอย่างเดียวตี่หละอ่อนมี.... แต่... แค่อย่างเดียวแต่มันยิ่งใหญ่แต้ๆ เน๊าะ...
คลิกเพื่อดูไฟล์แนบ

แค่อย่างเดียวยังสามารถขนาดนี้.... ละเฮาคนใหญ่มาพ่องแล้ว... หยังมาละขว้างของดีของตั๋วเก่ากั๋นไปกำหน้อยๆ จนปอซ้ำคนปอบ่าเหลือ.... หายหม๊ดหายเสี้ยง... ซึ่งความน่าฮักจะนั้น...
คลิกเพื่อดูไฟล์แนบ

ทั้งๆ ที่เฮาใหญ่มาแล้วน่าจะทำอะหยังๆ ได้นักเหลือเก่า... ได้ดีเหลือเก่า .... เพราะเฮานั้นแข็งแฮงขึ้น...
คลิกเพื่อดูไฟล์แนบ

กาว่าเฮาแข็งแฮงขึ้นก่าร่างก๋าย.... แต่เฮาลืมตี่จะบำรุงเลี้ยงจิตใจ๋ของเฮาไป....
คลิกเพื่อดูไฟล์แนบ

ก๋านบำรุงเลี้ยงอย่างเหมาะสมต๋ะอั้นละตี่จะทำหื้อเฮามีความแข็งแรงขึ้น... ก๋านบำรุงทั้งร่างก๋ายและจิตใจ๋ จากร่างก๋ายและจิตใจ๋ตี่ดีงามของป่อแม่ปี่น้อง คนรอบข้าง รวมถึงสังคม จะปากั๋นทำหื้อคนของเฮา ประเทศชาติของเฮานั้นน่าฮัก และแข็งแกร่ง เหมือนหละอ่อนตี่เติบใหญ่อย่างมั่นคง....
คลิกเพื่อดูไฟล์แนบ

ด้วยก๋านเตียวโตยฮอยของพระบรมศาสดาของโลกพระองค์นั้น....เทอญ..
คลิกเพื่อดูไฟล์แนบ
เอาละเน่อ... วันนี้ก่อขอเอวังต๊ะอี้ก่อนละ... อายุวัณโณ... สวัสดี...

อยากได้ อยากได้......ซักคนเนาะ

แฮะๆ ... กระแสเด็กๆมาแรงจังครับ น่ารักๆทั้งนั้นเลยครับ

เป็นนางงามรักเด็กด้วยคนครับ

อยากกลับไปเกิดเป็นเด็กน้อยอีกจัง

น่าฮักแต๊ๆ ครับ อยากได้ อิอิ ละอ่อนใหญ่เน้อครับ ซัก ปวส. อิอิ

ฮุปล่ะอ่อนในค่ายลุงตรีใสกิ๊งเจ้า....


แต่...ข้าเจ้ากั๋วคนตางบนหัวข้าเจ้าเนี่ยยยยยยย....




ล่ะอ่อน..ปอวอสอ...อี๊หว่ะ......เอิ๊กกกกกกกกกกก

เปิ้นหยังมาแป๋งกั๋นเก่งเนาะ...น่าฮักๆ ทั้งนั้น...ขอบคุณครับลุงตรีฯ กับอนาคตของชาติ...ใสๆไร้เดียงสา...

รูปเด็กน่ารักดีคับ ลุงตรี

หันก้าหน้าฮักๆ อย่างอี้ บ่าหันต๋อนล่ะอ่อนฮ้ายพ่องครับ
ป้อ - แม่ ตึงอิ๊ดข่นาด...