เมนูตี้ทำเองง่าย ๆ แม้ว่าเครื่องจะนักไปสักหน้อยนึ่งแต่ถ้ามีเวลาก็ยะกิ๋นเองก่าได้เจ้า ถูกว่าไปซื้อเปิ้นกิ๋นเจ้า

สุกี้แห้ง ส่วนประกอบ

- หมูหรือเนื้อแล้วแต่ชอบ
- ผักกาดขาว
- ผักบุ้ง
- ต้นหอม
- คึ่นช่าย
- วุ้นเส้น
- ไข่ไก่
- น้ำจิ้มสุกี้

เครื่องปรุงน้ำจิ้ม
- ซอสพริกเผ็ดน้อย
- ซอสมะเขื่อเทศ
- น้ำมันงา
- น้ำตาล
- งาขาว
- ใบผักชี

เครื่องปรุงหมู/เนื้อ
- น้ำมันงา
- ซีอิ๊วขาว
- น้ำตาล

เริ่มจากการทำน้ำจิ้มก่อนเลยเน่อเจ้า

ปาดจ้ะ หิว ๆ ๆ

นำงาขาวไปคั่วด้วยไฟอ่อนจนเป็นสีเหลืองตักใส่ถ้ายพักไว้ฮื่อเย็นเจ้า

เอาถ้วยใบใหญ่พอประมาณมาหนึ่งใบสำหรับผสมน้ำจิ้ม แล้วตวงซอสพริกและซอสมะเขือเทศด้วยถ้ายตวงใส่ลงไปในอัตราส่วน ซอสพริก 2 ถ้วย ต่อซอสมะเขือเทศ 1/2 ถ้วย ถ้าหากต้องการฮื่อน้ำจิ้มออกสีแดงเข้มฮื่อเพิ่มซอสมะเขือเทศลงไปเจ้า ตามด้วยน้ำตาล 2-3 ช้อนโต๊ะ น้ำมันงา 6-7 ช้อนโต๊ะ คนฮื่อเข้ากั๋น ชิมรส จะออกเปรี้ยวหวานแล้วมีกิ่นหอมของน้ำมันงา แล้วก็ใส่ใบผักชีหั่นผอยกับงาขาวคั่วลงไปในต๋อนสุดท้าย คนฮื่อเข้ากั๋น ก็จะได้น้ำจิ้มสุกี้อย่างอี้เจ้า

ท่าจะหิวขนาดเน๊าะเจ้า ยังบ่าตันหันหน้าต๋าสุกี้แห้งเลยว่าเป็นจะได

มาต่อเจ้า พอแป๋งน้ำจิ้มแล้วก็มาถึงการหมักหมูเจ้า

ใสซี้อิ้วขาว 1 ช้อน น้ำตาล 1/2 ช้อน แล้วก่น้ำมันงา 2 ช้อนเจ้า ใสส่วนผสมทุกอย่างลงไปแล้วคนฮื่อเข้ากั็นเจ้า ถ้าจะฮื่อหมูนุ่มยิ่งขึ้น ควรหมักหมูเอาไว่เมินพ่องเน่อเจ้า 2-3 ชัวโมงก็ดีเจ้า

นำผักไปล้างน้ำให้สะอาด แช่วุ้นเส้นเอาไว้ พอจะกิ๋นก่เอามาเตรียมใส่ถ้วยไว้เจ้า

เอากระทะตั้งไฟ ให้น้ำมันร้อนด้วยไฟแฮงเจ้า แล้วก็ใส่หมูลงไปผัดก่อน

แล้วก็ใ่ไข่ลงไปผัดสักกำ แล้วก็ตามลงไปด้วยผักเลยเจ้า

ใส่น้ำจิ้มลงไปผัดโตย สัก 2-3 ช้อน คนฮื่อเข้ากั๋ัน

และแล้วก่จะได้สุกี้แห้งทำเอง ตี่บ่าแป้กับซื้อเปิ้นกิ๋นเลยเจ้า

ปล.ผัดแล้วต้องกิ๋นเลยเน่อเจ้า บ่าอั้นกำเดียวสุกี้แห้งจะกลายเป็นสุกี้น้ำขลุกขลิก กิ๋นข้าวฮื่อลำเน้อเจ้า สวัสดีเจ้า

ยินดีเน่อหล้า

ได้เมนูสำหรับวันนี้

น่ากิ๋นขนาด หน้าต๋าแบบนี้ต้องเบิ้ลสอง

เป็บซี่แหมซักขวด นอนผ่อทีวี วันหยุดจะอี้

เฮ้ออออ ซะบายซะไม่มี

แป๋งกิ๋นแล้วเป็นจะไดมาบอกกั๋นโดตยเน่อเจ้าปี้ก้อย

แม่นแล้วเจ้า แต่กิ๋นน้ำอัดลมนัก บ่าดีเน่อเจ้า

น้อง ๆ .. สุกี้ชาม...

อิอิ ... ฝีมือ น่ากิ๋นขนาด... เดียวมาแจมพ่องดีกว่า... หุหุ

ถ้ามาเมืองไทย จะแป๋งฮื่ปี้ปิ่นกิ๋นเลยเจ้า...ขะใจ๋มาเน้อปี้ปิ่น

ขอจิมซักถ้วยเต๊อะ อิอิ

ถ้วยเดียวบ่าปอก๊าอ้ายสองปัน...

กิ๋นเผื่อกั๋นโตยเน้อเจ้า

ของชอบเลยครับ..ขอบคุณนะครับสำหรับวิธีทำ..จะลองนำไปทำกินเองบ้าง

แป๋งกิ๋นแล้วเป็นจะได มาเล่าฮื่อกั๋นฟังโตยเน่อเจ้า