วันก่อนลุงแดงแป๋งแก่งหน่อใส่ป๋า หันแล้วไค่อยากขนาดเลยเจ้า มะต๋อนบ่าฮู้ว่าจะยะอะหยังกิ๋น ก็เลยเข้ามาดูในเวป หั๋นใส่แก๋งหน่อ เอาก่เอาบ่ะ เลยลงไปตางลุ่มไปเซาะหน่อตี้ข้างบ้านเจ้า ได้มา 4 หางหน้อย แป๋งกิ๋นก่ท่าจะปออยู่ ในตู้เย็นมีกระดูกหมู ก็เลยได้เมนู แ๋ก๋งหน่อไม่ใส่ดูกหมูเจ้า

ส่วนประกอบ
- หน่อไม้หวาน
- กระดูกหมู
- ผักหละ(ชะอม)
- ใบป้อมเป้อ(ผักชีฝรั่ง)
- ผักแค(ใบชะพลู)
- พริกชี้ฟ้า
- หอมแดง
- กระเทียม
- กะปิ
- ปาร้า
- เกลือ

ล้างหน่อไม่ฮื่อสะอาด แล้วก็เอามาตุ๊บ ๆ พอเสร็จใส่น้ำพอประมาณแล้วก่เอาไปต้มเจ้า

ระหว่างตี้ต้มหน่อฮื่อหวานก่มาเตรียมกระดูกหมูเจ้า

ส่วนผักหละ ใบป้อมเป้อ กับผักแคก็เอามาเด็ดและก่ซอยบ่าฮ้ายบ่าดีนี่หล่ะเจ้า

เตรียมผักเสร็จแล้วก่มาต๋ำน้ำพริกเจ้า เอาพริกชี้ฟ้าไปจี่ก่อนเน้อเจ้า แล้วก่เอามาต๋ำ ใส่หอมแดงกระเทียมกลือต๋ำฮื้อละเอียด แล้วก่ใส่กะปิกับป๋าฮ้าลงไปเจ้า

จิมหน่อไม่ตี้ต้มว่าหวานรึยัง ถ้าหากหน่อไม้หวานแล้วก่เอาดูกหมูใส่ลงไปเจ้า

พอกระดูกหมูตี้ใส่ลงไปเริ่มเปื่อยก็เอาน้ำพริกตี้ต๋ำไว้ใส่โตยลงไปเลยเจ้า รอฮื่อน้ำเดือดชิมรสแล้วปรุงรสต๋ามชอบ

พอได้รสตี้ชอบแล้วก็เอาผักมาใส่เจ้า ใส่ผักหละลงไปก่อน รอสักกำแล้วก่ใส่ใบป้อมเป้อกับใบผักแคลงไปเจ้า รอฮื่อน้ำเืดือดแล้วยกลงได้เลยเจ้า

เสร็จแล้วก่ตักใส่ถ้วย กิ๋นกับข้าวนึ่งฮ้อน ๆ ได้เลยเจ้า

ถ้าคนตี้กิ่นน้ำปู๋ได้ จะใส่น้ำปู๋ลงไปโตยก่าได้เน้อเจ้า ปิ๊กบ้านต๋อนปี๋ใหม่ เอาุลุกบ้านมาเจ้า แม่แป๋งเอง

สรุปแล้วกว่าจะได้กิ๋นข้าวตอน 2 โมงเกิ่งแล้วเจ้า ต่อนยะก่ถ่ายฮูปไปโตย มือก่สั่นไปโตยเจ้า ไปแล้วเจ้าวันหน้าจะเอากับเข้าอย่างอื่นมาฝากใหม่เน้อเจ้า

ขอถ้วยใหญ่ๆๆ หนึ่งถ้วยส่งมาตางอีเมล์ด่วนเลยครับ

ของกิ๋นบ้านเฮา เลือกเอาเต๊อะนาย เป็นของปื้นเมือง

เป็นเรื่องสบาย ล้วนซะป๊ะมากมี

ฟังหื้อดีเน้อ เจ้าขั้ยอยากจ๋นเผลอ มาบลืนน้ำลาย


อิอิ หิวเข้า แหมแล้ววเจ้า

เฮามักขนาดนะ บ่ได้กินเมินหละ อยากกิ๊นขนาดดด

ใค่อยากขนาดเลยเจ้าน้องอ้อย.. แต่กั๋วเจ็บหัวเข่านิ... อิอิ...

ตะวากิ๋นคนเดียวถ้วยใหญ่ ๆ เลยเจ้า

หมูของปี้แมวหยังมาน่าฮัก จะอี้ท่าจะฆ่าบ่ะลงก๊ะเจ้า

ปี้กิ๋นเผื่อแล้วเน้อ...

ข้าเจ้าก่มักขนาดเลยเจ้า หน่อต้มจิน้ำพริก่ลำเน๊าะ

กิ๋นเผื่อปี้ปิ่นแ้ล้วเจ้า ฟั่งกิ๋นต๋อนตี้ยังบ่ามีอาการเตื้อนี่เจ้า กิ๋นแก๋งหน่อแล้วกิดเติงหาฝีมือของแม่เจ้า ยะจะไดก่บ่าลำเหมือนเปิ้นยะ ต๋อนปีใหม่ปิ๊กบ้านแล้วไค่อยากหลายอย่างก็เลยบ่ได้กิ๋นแก๋งหนอฝีมือแม่เลย

ของมั่กกำแล้ว...

อัน...น้ำปู๋ตี่เหลือ...ต๋ำเป๋นน้ำพริกน๋ำปู่เลยครับ
กำเดวจะซื้อหน่อต้มไปกินแอม..แถม บ่ะลินไม้เผา แห๋มอย่าง..

มักเหมือนกั๋นเจ้า อาติดก่อนไปแวะกาดประตู๋เจียงใหม่ ซื้อหน่อต้มมาแป๋งตึงยำหน่อ ตึงน้ำพริกน้ำปู๋กับหน่อต้มแล้วเจ้า แต่ยัังบ่าแล้วใจ๋เตื่อเจ้า จะหาเวลาไปกาด ไปซื้อมายะกิ๋นแถมรอบนึ่งเจ้า

แก๋งหน่อกู้กับน้ำปู๋ เหมือนป๋าทูมันกู้กับเข่ง แต่ตั๋วอ้ายนี้แสนวังเวง อู้สาวบ่เก่ง ก่อเลยอยู่คนเดียว อิอิ.....

ตึงบ่าเจื่อเจ้า มาเป็นค่าวเป็นเคืออย่างอี้ยังมาว่าอู้สาวบ่าเก่ง....