เขาว่ากั๋นว่า "บ่ดีตวยก้นรถแดง บ่ดีแซงรถหละปูน" คงจะเป๋นกำอู้ตี้ถูกต้องที่ซู้ดดดด

เนื่องมาจากวันนั้นข้าเจ้าได้ขับรถผ่านหน้ากาดสวนแก้ว ซัก1-2ทุ่ม รถก่อนักขนาด ละบ่แหนมได้ขับตวยก้นรถแดง
พอรถแดงมันหันคนโดยสารปุ๊บ มันหักซ้ายเลยจ้าววว กำนี้ข้าเจ้าย่ำเบรกบ่ปอตัน กึ้ดด่า..แม่..มันในใจ๋
ใจ๋นึงก่อหายไปอยู่ปล๋ายตี๋นปู้นแล้ว เพราะว่าถ้าเบรกบ่ทันได้ชนท้ายกั๋นแน่ๆ รถตางหลังก่อตวยมาเป๋นสิบ
มะไดรถแดงจะมีการจัดระเบียบหรือคัดพวกพนักงานขับรถหื้อมันดีๆเจ้า หันบางคันติดว่า คนขับผ่านการรับรองจากขนส่งอย่างอั้นอย่างอี้
แล้วผ่อมันขับ..ท้าทายยมทูตเหลือเกิ๋นนนน...

ก่อฝากหื้อผู้ตี้เกี่ยวข้องจ่วยอบรมรถโดยสารแบบอี้น้อยเต๊อะเจ้า ถ้าบ่มีไผอู้ไผบอก มันก่อขับของมันไปอย่างเอี้ยะ บ่สนใจ๋ว่าคันตี้ตวยมาจะเป๋นจะต๋ายอย่างได

แล้วกำอู้สุดท้ายตี้บอกว่า "..บ่ดีแซงรถหละปูน" ก่อหื้อปี้น้องลุงป้าน้าอา จ่วยกั๋นเอาไปพิจารณาเล่นๆเต๊อะเจ้าว่ามันเป๋นอย่างได
..อิอิ.. อู้กั๋นม่วนๆเน้าะ คนหละปูนบ่ดีซีเรียสเด้อออ

จ้าววว คนเจียงใหม่ คนหล่ะปูนมันขับรถจะใดกาคับ????????

เห็นตวยทุกประการ รถแดงบ้านเฮา ไค่อยากหื้อปะ แทคซี่ใน กทม สีจะมันพะยะค่ะ

คุณว่าเปิ้นแล้วบ่าหื้อ ซีเรียส ตบหัวแล้วลูบหลัง คนเจียงใหม่ตั๋วจริงบ่อมี ภาษิตแบบนี้ คุณเอามาจากไหน มันบ่าสร้างสรรเลย ขอบอก ชาตินี้ลืมไปเลยบ่าดีเอามาอู้แถม

แ ต่ ที่ เปิ้นว่า มันก่อ แต๊นาเจ้า เรื่อง รถแดง มันขับรถไปเรื่อย บะปฏิบัติตามกฎจราจร


ส่วนเรื่อง รถ หละปูน นี่มะรู้เมือนกัน


หันก่ะว่าเปิ้นรับคนติกๆ คนเต็มแล้วก่อรับอยู่


เกยขึ้น ไปบ้านเพื่อน ที่สารภี หลายเตื้อเหมือนกัน อึดอัดขนาดเจ้า


ละ รถสายนี้ เปิ้น ท่าบะสนก้า ว่าจะเป็น ญ เป็น ช


หลายๆเตื้อที่หันนา ป้อจาย ตึงบะยอมลุกหื้อ แม่ยิงนั่ง มะเว้นคนเฒ่าคนแก่ ไผมาช้าได้ยืนกันหมดจ้าวววว


แต่ที่เป็น สุภาพบุรุษ ก่อมีเหมือนกันเจ้า อันนี้ก่อขอชื่นชม ตวย


อันนี้ก่อเป็นความคิดเห็นส่วนตัว เนาะ จากประสบการณ์ ที่เคยพบมา

อยากรู้กะว่ารถละปูนเป็นจะใด เจอกับตัวเองมาแล้ว สุดยอด นั่งด่ามันเป็นชั่วโมง ขับรถตวยก้นมันมันอยู่ดี ๆ ไฟเลี้ยวก็บ่าเปิด หักเลี้ยวกลางคัน ถนนเส้นทุ่งโฮเต็ล อก อก เบรกหัวทิ่มหัวตำ เพราะมันกระชันชิดขนาด รถหลังก็เบรกตาม ๆ กัน แถมบ่าบอ กดแตรด่าแหม ง่าว ใครบ่าเจอ บ่าอู้เน้อ

กำว่าบ่าดีตวยก้นรถละปูน นิได้ยินมาตั้งแต่อยู่ม.3 แล้วนา ไขๆก็ฮุ้ ไปอยู่ไหนมาก่ะ


แหมอย่าง ครูก่อเปนคนมาบอกตวย ไขๆก่อว่า เกยเจอมากับตัวตวย บ่าเจอกับตัวก่อคงบ่าฮุ้แต๊ๆ

เจอมาล่ะเน้อ รถหล่ะปูน แต่ก็เป็นส้ำกันน่อ บางกันเปิ้นก็ขับดี

จะอี้ต้องปะกั๋นกองกีด

วันนี้อีก ผมขับมาทางตรงถึงสามแยก ผมก็ขับผ่านมาดีๆถึงตรงกลางไอ้รถแดงรีบบึ่งออกแยกเกือบจะชนผมที่มาทางตรง ยืนยันว่าไม่ได้ฝ่าไฟแดง เพราะการขับผ่านสามแยกไม่ใช่ว่าจะต้องฝ่าเสมอไป และที่ตรงนั้นก็เป็นแยกธรรมดาไม่มีไฟ พอทีนี้มาถึงประตูเชียงใหม่ รถแดงขับทางซ้าย มันคิดจะเบียดรถผมซึ่งอยู่ทางขวา ซึ่งผมขับมาปกติ แต่พี่แกจะเบียดแต่ผมไม่หลีกมันก็เกือบชน แล้วยังมามองหน้า ผมกฌ็มองหน้ามัน อีกคราวหนึ่งผมนั่งรถแดง แล้วมีน้องผู้หญิงขับตามมาดีๆ แล้วถึงทางแยก น้องเขาก็กะข้ามเพราะหอเขาอยู่ตรงข้ามพอดี แต่ถึงคราวซวยมาจอดหลังรถแดง รถแดงแกล้งถอย ชนรถเขาล้ม พี่ท่านลงมาถึงก็ "ด่า" (ตอนแรกนึกว่าจะขอโทษ) ว่าน้องวันหลังเห็นรถโดยสารอย่าอยูใกล้สิ????? อันนี้ยืนยันว่าจริงเพราะผมนั่งรถแดงคันนั้น ทำผิดแล้วไม่สำนึก ไม่รู้ว่ารถแดงนี่มันเป็นเจ้าของถนนหรือเราถึงต้องยอมมัน

คนเจียงใหม่ก็ฮู้ๆ กั่นอยู่ครับ ว่า กลุ่มรถแดง เป็นฐานเสียงหญ่ายยยยยยยยยยของพรรคไหน

เฮ้อ....ก่ำของคนใจ๊ถนนหนตางน่อ

วันหลังจะถ่ายฮูปคนขับรถป้ายเจียงใหม่ง่าวๆมาหื้อผ่อน้อคับ

จะหื้อหันว่า คนตี่ไหนมันก็มีตึง คนหลวก คนง่าว

คนขับรถป้ายเจียงใหม่คนใดขับรถดีแล้ว ก็ยืนดีตวยน่อ

กาว่า คนใน cm108 นี้ บ่เกยหันรถเจียงใหม่ ขับง่าวๆ บ่ฮู้

ผมคนหละปูนหันอย่างเจื่อ!!!

เคยเหมือนกันครับ

นั่งมากับพี่ชายกับเพื่อน อีก 2 คน

ขับชิดขวา เตรียมเลี้ยวยูเทิร์น

เข้าในคูเมืองที่จะมาประตูเชียงใหม่

ว่าแล้วรถแดงก็แซงซ้ายขึ้นมาปาดหน้า

แต่พี่ผมไม่ยอม

เลยขับกันไว้ไม่ใหมันปาด

มันโมโหตะโกนด่า พ่อกันเลย

(เปิดกระจกไว้ครับ เวลาประมาณทุ่ม)

พี่ผมเลยจอดรถขวางมันซะ

แล้วลงไปถามว่ามีปัญหาอะไร

ตอนแรกมันก็เถียงเอา ๆ

ผมกับเพื่อนเลยเปิดประตูลงมาด้วย

มันเห็นท่าไม่ดี มันเลยรีบถอยรถแล้วบึ่งไปทางประตูสวนปรุง

นึกว่าจะแน่

(เพื่อนที่ไปด้วย เป็น กทม .. กระเทยเก๊กแมน 55+)

ก่อมันแต๊น่ะสู...

[size="3"][/size]จะด่า จะว่า จะติติงเรื่องรถแดง ทำไมต้องมาพาดพิงถึงคนหละปูน คนเหนือตวยกั๋นแต้ๆ(แม่นก่อ?) ตึงบ่ะไจ้จะมาเถียงว่าคนหละปูนขับรถดี ตี้ไหนๆ ก่อมีขับรถเสียมารยาทโตยกั๋นทั้งนั้น ด่ากระทบกระเทียบ เพื่อ..................? เชียงใหม่ก่อเหมือนกั๋น โดนมาบ่อย รถเจียงใหม่ปาดหน้า บ่ะเปิดไฟเลี้ยว อู้โทรศัพท์อยู่ กึดจะเลี้ยวก่อเลี้ยว คนเปิ้นเบรคโตยรถปอจะฉแลบ เจอมาหมดแหละ แต่ก่อบะเกยด่าว่าคนเชียงใหม่ขับรถบ่ะดีสักเตื้อ ป้ายจังหวัดไหนๆ ก่อขับรถบ่ะดีได้ จะมาติติงเรื่องหยังก่อเอาเป็นประเด็นๆไป อย่ามาตีวัวกระทบคราดจะดีกว่า ใจ๋เปิ้นใจ๋เฮา ถ้ามีคนมาด่าจังหวัดเจ้าของกระทู้พ่องละบอก"จะไปซีเรียสเน้อเจ้า เล่นๆ ขำๆ" รู้สึกดีก่อ?

ครูเปิ้นสอนดีเนาะ

ถ้าเป๋นคนดีก่จะฮ้อนตั๋วยิหยังล่าวว

เปิ้นก่ตึงว่าคนตี้ขับรถบะดี คนฮักจังหวัดก็มาเถียวมาว่าเปิ้นอยู่ฮั้นหนะ

.. อะหยังปะล้ำ

เออ มันบ่ไจ่ว่าก่าคนขับบ่ดีน่าก่า มันเหมาว่าคนหละปูนตึงหมด มันจะไปถูกหวะ

เออ เตอะ ก่ายละ ถ้าว่าหือเปิ้นแล้วมันม่วนก่อตามสบาย

คนเจียงใหม่ท่าจะเครียดนัก หันว่าล่าสุดนายกแป้งที่เปิ้นเลือกมาก่อแป๋งน้ำคือบ่แล้ว จะได้เล่นน้ำตึงบ่แล้วจะอั้น เปิ้นท่าจะเครียดก้า

no comment

อยากให้มีรถเมล์เยอะๆ วิ่งตามสายจัง รถนี้จะได้หมด ถูกกว่า เป็นระเบียบกว่า ราคาเดียวตลอดทาง น่าสนับสนุน แต่ทำไมไม่มีซักที

เมื่อไหรจะมีรถโดยสารประจำทางวิ่งให้มันครอบคลุมทุกสายซักทีนะ พวกรถรับจ้างนิสัยแย่ๆจะได้ลดลงสักที

รถหละปูนคือรถสองแถวสีฟ้าคับ เจ้าของเป๋นตึงจาวหละปูนกับจาวเจียงใหม่คับ วิ่งสายหละปูนเจียงใหม่สายต้นยางสายในคับ คำว่าจะไปโตยก้นรถแดงเป๋นคำสัพอยอกอู้กันแซวกั๋นเล่นๆบ่าดาย เพราะว่าเปิ้นเป๋นรถตี่ขับเซาะว่าหากิ๋นเจอลูกค้าโบกรถเปิ้นก่อต้องจอดหยั่งเวยละก่า แปล๋ว่าถ้าจะโตยก้นก็หื้อหระวัง คำว่าจะไปแซงรถหละปูนมีความหมายว่า ถ้าจะแซงก่อหื้อหละวังต้นไม้ยางสองข้างตางหนาแน่นถี่ยิบเลยไปตังหละปูนเมื่อตะก่อนก่อต้นขี้เหล็กเรียงเป๋นแหรบ ถนนก่อกีดเป๋นฮ่อมหน้อยเดียวถ้าแซงบ่าร่ะวัง ก่อย้ออากหยากน่าก่า มีคนเฒ้าตี่ยังมีจีวิตถึงบ่ะเดี่ยวนี้อู้ว่าถ้าเอาศพคนตี่ต๋ายหย้อนอุบัติเหตุรถจนบนถนนสายนี้มานอนเรียงกั๋นจะยาวตั้งแต่ตี๋นขัวนวรัตร์เชียงใหม่ถึงคิวรถหละปูนปู้นเน่อ

แน่จิงก่อแซงแล่ แซงเลยคับแซงเลย เหอๆๆๆๆๆๆ

จะเถียงกันทำไมล่ะครับ ไม่ว่าจะเป้นคนลำพูนหรือคนเชียงใหม่ แค่ขอให้คุณ รู้ตัวเองว่าคุณขับรถมีวินัยและถูกต้องตามกฏจราจร ก็พอแล้วครับไม่ต้องมาเป็นเดือดเป็นร้อนแทนคนอื่นหรอก ปฏิบัติตัวเองให้ดีก็พอ จิงมะ

อ้าว ก็เว็ปนี้ เค้าก็ไห้มาบ่น มีอะใรก็เอามาเล่าสู่กันฟังนี่ครับ
เมิง ไม่ฟัง ก็อย่าฟังดิ (วะ) ครับ
หรือว่า เมิง เป็นพวกไอ้ รถแดงรุหละปูน

คนเปิ้นออกมาปกป้องจังหวัดเปิ้น หาว่าเปิ้นฮ้อนตั๋ว จังหวัดตี้ตั๋วเก่าอยู่ยังบ่ฮัก ละประเทศชาติลอเจ้า คงกึ๊ดจะฮักกั๋นเนาะ "ถ้าเป๋นคนดีก่จะฮ้อนตั๋วยิหยังล่าวว" อุ้ย อิฉันกลายเป็นคนเลวไปเลยอ่ะค่าาา คนดีเปิ้นฮื้อดั๊กๆไว้อี้กาค่า จะอั้นยอมเลวเลยเอ๊าะ
ก่อคนเปิ้นฮักของเปิ้น

จะไปว่ารถหละปูนเต๊อะ รถเจียงใหม่ตี้ขับง่าวๆก่อมันัก
มันบ่ะเก่วกับจังหวัดว่าใข๋จะขับรถจะใด มันเก่วกับกึ๋นคนขับ
รถเจียงใหม่ ขับปาดหน้ารถหละปูนหยังเฮาก่อนัก
ไฟเลี้ยวบ่ะเปิดก็มีฮื้อหันเต๋ม ยังเกยเอิ้นด่าเลย
บอกมัน ต๋อนซื้อรถ ยังบ่ะฮื้อเปิ้นเอาไฟเลี้ยวออกเหี๋ย เอามามันบ่ะใจ่ใจ้

บ่ะได้ปกป้องจังหวัด แต่คนขับรถง่าวๆมันมีอยู่ทั่วโลก

ปล.ฝากถามคนโพร์สกระทู้ โดนเตื้อเดียว จ๋มเป็นเรื่องระดับจาติ เจื้อว่าจ้าดนี้ คนโพร์สกระทู้ก่อเกยขับรถอย่างคนง่าวเอ๊าะ
ฝากเอาไปกึ้ดโตยเน้อ ตั๋วเก่าขับง่าวๆ คนอื่นก็เสียอารมณ์เหมือนกั๋น

ตึกล่ะคับกันรถแดง ควายๆ น่ะคับ มันนึกจะเบรคมันก็เบรคกลางถนนหั่น มันนึกจะเลี้ยวมัน ก็ ก้องๆๆๆ เลี้ยวไปเหีย บ่าพาย พอมีรถเมล์มนึกว่าเออถ้าจะดีจอดเป็น ป้ายๆไปเหมือน กทม แต่ป่าวเลย แมร่งจอดอย่างสี่ล้อน่ะนึกจะเบรคก็เบรค แถมรถใหญ่เหลือเก่าแหม สาดเอ่ย แถมบ่าปอ เดินอยู่ข้างตางรถเมล์มันวิ่งมาตางข้างเปิดประตูเซี่ยวหัวฮาแหมกำ บ่อฮู้จะย่ะจะใดขอระบายหน่อยยคับ

เกือบตายมากะรถแดงปาดหน้าจอดรับคนเนี่ยแหละครับ

เดี๋ยวนี้เจอรถแดงละยอมเลย จะไปใหนก็ไปเลยครับ ผมขอถอยไปไกล ๆ ปลอดถัยกว่า

ลองแซงรถหละปูนมาละจ้าว..เป๋นเหมือนเปิ้นว่าแต๊ๆ บ่ได้ว่าคนขับรถตางหน้าง่าว แต่คงเป๋นคนขับแซงมันง่าวเองตี้กึ้ดจะไปแซงเปิ้น หึหึ