มีโอกาสไปส่งน้องไปดูตี้ทำงานใหม่จังหวัดน่าน ผ่านเมืองแป่ต๋อนเจ๊า ไค่อยากกิ๋นข้าวเจ๊าแต่ไค่กิ๋นก๋วยเตี๊ยว อิอิ เจ้าถิ่นตี้เปิ้นเดินทางปิ๊กบ้านตี้เมืองน่านบ่อย ๆ เปิ้นแนะนำว่าต้องร้านนี้อร่อยแน่ก็เลยจั๊ดก๋านเลี้ยงรถเข้าไปเลยเจ้า

เข้าไปหันบรรยากาศแล้วก่ม่วนเจ้า เป๋นร้านก๋วยเตี๊ยวโบราณแต่เจ้าของบ่ได้โบราณเน้อเจ้าดูบรรยากาศฆ่าเวลารอเปิ้นมาฮับออเดอร์

นี่ดีนาเจ้าตี้เฮามาต๋อนเจ๊า ถ้ามาต๋อนเตี่ยงปี้เปิ้นบอกว่าตี้จอดรถปอบ่หมีตี้จอดโต๊ะก่เต๋มหมด

มีข้าวมันไก่ หมูสะเต๊ะก่มีเจ้า แต่บ่ตันเตื่อเจ๊าล้ำไปแป๋งบ่แล้วเตื่อ รวมไปถึงกระดูกอ่อนโตย เลยสั่งก๋วยเตี๋ยวโบราณสูตรเด็ดของร้านเลยเจ้า

นั่งผ่อบรรยากาศในร้านลอก๋วยเตี๋ยวเจ้า ใจ๋เย็น ๆ

แฮ๋มซักฮูปก่อนก๋วยเตี๋ยวจะมา

เอาละเจ้ากำเดียวเจ้าหมู่จะหาว่าจ๊า มาละเจ้าก๋วยเตี๋ยวโบราณ

เริ่มจะถ่ายบ่ค่อยชัดละเจ้า เนื่องมาจากหิวเจ้า

ส่วนอันนี้ก๋วยเตี๋ยวต้มยำ

ของเปิ้นสะอาด ละเครื่องปรุงก่ทำเองทุ่งอย่างไว้ใจ๋ได้เจ้า ความลำบ่ต้องอู้ถึง ปกติน้องหมวยกิ๋นก๋วยเตี๋ยวบ่เกยเซี้ยงจะนี้มาก่อน ผ่อเอาเต๊อะเจ้า (ชักจะเป๋นอย่างลุงตรีเข้าไปตึงวันละ อิอิ )

ยืนยันแฮ๋มถ้วยเจ้า

อิ่มละเจ้า ก็เลยหันซ้ายหันขวาถ่ายบรรยากาศตางในร้านมาหื้อเจ้าหมู่ผ่อ เจ้าของร้านเปิ้นตกแต่งเอง

ไผอยากนั่งบรรยากาศแบบไทย ๆ ในร้านก่มี

กาว่าชอบรรยากาศตางนอกแต่นั่งบนฮ้านก่ได้เจ้า

ต๋ายละกิ๋นจ๋นปอเซี้ยงลืมบอกเจ้าหมู่ว่าร้านอยู่ตางใด ฮ้านเปิ้นตั้งอยู่บน ถนนยันตรกิจโกศล ต.ทุ่งกวาว มีเบอร์โทรโตยเน้อเจ้า 054-622889 ,0818830588 จะโทรไปถามกาว่าโทรไปจองก่ได้เจ้า

เครื่องปรุงเครื่องครัวเปิ้นสะอาดสะอ้านดีเจ้า

ตี้สำคัญเปิ้นได้ป้าย อาหารสะอาดรสชาติอร่อยโตยเน้อเจ้า

มุมเครื่องดื่มเจ้า

สุมาโตยเจ้า มากิ๋นก๋วยเตี๋ยวแต่ถ่ายบรรยากาศมานักขนาด เนื่องจากว่ามันอิ่มเจ้าละก่ยังเจ๊าอยู่สั่งหลายอย่างบ่ได้ หยังใดถ้าเจ้าหมู่ได้ไปเมืองแป่หรือผ่านไปก่จะไปลืมแวะไปจิมเน้อเจ้า

อันว่า..ไค่อยากนี้..ไค่อยากอยุ่เจ้า..
แต่...คนไปกิ๋นมานี่นา..ไปมะไดบ่าฮู้เจ้า..บ่าเอิ้นกั๋นเจ้า..โดนนอกใจ๋ปิ๊กคืนเจ้า....เลย..อดเจ้า...

บรรยากาศดี.....อาหารน่ากิ๋น.....ซูด.......อยากกิ๋นด๋ยวเตี๋ยว บัดนาวจ้าว......เลิกงานละไปเซาะกิ๋นจักถ้วยดีก่า .....