ก๋ายสายนั้นตึงวันเลยครับ สายตี้ว่าคือสายเลียบทางรถไฟ ผมขับรถออกจากสายสี่แยกยางเนิ้งป๋ดสดออกไปเจอถนนเลียบรางรถไฟ เลี้ยวซ้ายไปต๋ามสายนั้น ขึ้นไปตังบ้านเชียงแสน ระหว่างทางช่วงนั้นนะครับ ลองผ่อเต๊อะ ข้างตางจะมีต้นหนามขี้ย๋อบตลอดข้างตางเลยครับ มีถุงขยะเศษขยะป๋นไปในป่าหนามแทบจะสุดสายเลยครับ ผมว่าถ้าไปเพี๊ยวไปถางคงหันชัดเลยครับ คนขว้างก็เก่งนักแก ขว้างทิ้งได้ต่อเนื่องมากๆ ยาวสุดสายเลย... แหมบ่ปอ มีกลิ่นตวย ความจริงสายนั้นอากาศดีนะครับ เลียบทางรถไฟลมพัดลมโชย รถบ่นัก ทิวทัศน์ก่อดี แต่เสียดายมีขยะ ผมก็บ่ฮู้หรอกว่า มันเป็นเขตรับผิดชอบของไผ แต่ก็มาเล่ามาแจ้ง ฮื้อคนที่เกี่ยวข้องฟังครับ ผมว่าเกี่ยวข้องกับฝ่ายไหน จ่วยได้ก่อจ่วยก้ำเน่อ . ใครฮุ้ก็ช่วยๆบอกๆต่อไปตวยเน้อครับ เป๋นปากเป๋นเสียง.. บ้านเมืองของเฮากู้คนครับ..ขอบคุณครับ

สุมาเต๊อะเน้อ ขอแจมซักน้อยเน้อ อ้ายประเสริฐสร แบบนี้แม่นก่อ ครับ

แบบนี้แถม

แล้ว ก็ แบบนี้ครับ

แล้ว ภายใต้ ป่าโข่ ของไมยลาภยักษ์ นั้นยังมี สิ่งซ่อนเร้น แถมมากมายครับ

สิ่งที่ว่า ก็คือ ขยะครับ ทั้งที่ใสเป๋นถูงมา แล้วก็เอาโยนลงข้างทาง

มีทั้งถูงแบบทั่วๆ ไป

แล้วก็ ถูงดำแบบนี้

ปัจจุบัน อบต. หรือเทศบาล ตำบลต่างๆ จะทำถูงออกมาขายให้ชาวบ้านนำไป บรรจุขยะ แล้วนำมาทิ้งเพื่อที่ทาง เทศบาล หรือ อบต. จะได้ไปเก็บได้สะดวก

ผมอยากจะแนะนำว่า นอกจาก ชื่อ อบต. หรือ เทศบาล นั้นๆแล้ว ด้านหนึ่งของ ถุง ควรจะ พิมพ์

ชื่อ...............นามสกุล............

บ้านเลขที่.................. ตำบล............. อำเภอ............ จังหวัด..................

เบอร์ โทร......................

เวลามีลูกบ้านมาซื้อ ถุงไป ก็ให้เจ้าหน้า เขียนชื่อ ลงไป เพื่อที่ว่าเวลาถุงดังกล่าวไป อยู่ที่ไหนใน สถานที่ไม่เหมาะไม่สม จะได้ตามหาเจ้าของขยะนั้นได้ครับ

หรือว่า ถ้าให้มีการแยกขยะ เป็นหมวด เป็นหมู่ เวลาเจ้าหน้าที่ไปเก็บมาแล้ว ก็ต้องมีการสุ่มตรวจบ้าง ว่าได้ปฏิบัติ หรือเปล่าจะได้ไปตักเตือน ได้ครับ

หรือ จะเป็นแบบนี้ ที่ไม่บรรจุถุงอะไร เลย

ป้ายบอกทางครับ คนที่เดินทางไปมา แล้ว ไม่ใช่คนท้องถิ่น ก็คงต้องจอดรถ แล้วลงมา ควานดูครับ ว่าทางนี้ไปไหน

เข้ามาเขต เมือง บ้างครับ นี่เลยโรงเรียน มงฟอร์ต มาเกือบจะ ถึงสถานี้รถไฟแล้ว

เข้าเขต ชุมชนแล้วครับ ที่เห็นก๋อง อยู่ข้างตางรถไฟ ก็จะมาก๋อง ข้างถังขยะ รอก๋านมาเก็บ ซึ่งก็บ่อ ฮู้ว่า เมื่อใด

ใกล้ สถานีรถไฟ เจียงใหม่ ของเฮาแล้วครับ ประตู๋บ้าน เฮา แถมจุดหนึ่งที่เก่าแก่ กว่า สถานนีขนส่ง แล้วก็สนามบิน ครับ

อะไร ครับนั้น

อ๋อ สถานที่ ที่เปิ้น ห้าม ทิ้งขยะและศาลพระภูมิเก่านั้นเอง

แล้วก็เข้าเขต สถานี แล้วครับ เฮาจะหัน

ถ้าฮื้อผม เดา น่าจะเป็นโรงแยก ขยะของสถานีรถไฟเปิ้นครับ

ขอแจมกับอ้ายประเสริฐศรี เพียง เต้าอี้ครับ

ฝากถึงผู้ที่เกี่ยวข้องโตยเน้อ ครับว่าจะจัดการ จะได หื้อมันดีมันงามสมกับเป็น เมืองที่ใผ ๆ ก็อยากจะมาแอ่วมากอยครับ

และก็ห้ามมาบอกนะครับ ว่าบ่อมีคน เพียงพอ หรือว่าบ่ามีงบประมาณ เพราะว่าก๋าน จะสร้างจะทำอะหยังต่างๆ ในบ้านเฮานอกจากงบก่อสร้างแล้ว จะต้องมีงบในการดูแลฮักษาโตยอยู่แล้ว เพราะถ้าอ้างแบบนี้ มันเป๋น มุขโบราณ ครับ ต้องหามุขที่มันทันสมัยน้อยเน้อ

แม่นเจ้าขยะสุดตางแถมมีตึงห้อยต่องแต่งตึงค้างต๋ำงามไม้หันแล้วอ่อนใจคนเฮาแต้ๆ หน่วยงานตี้เกี่ยวข้องเข้าไปจัดก๋านด่วนเน้อ...จ้าวววนายยย
จ้วยเพ้วหญ้าจิยอบฮื้อมันโล่งๆ สองข้างตางก่อเอาดอกไม้ไปปลูก จะเอาชนิดไม้ดอกคลุมดินอย่างดาวกระจาย กระดุมทอง ดอกตะล่อม ฯลฯ หว่านๆมันเข้าไป ฮื้อมันงามๆ โล่งๆเข้าไว้คนจะบ่ทิ้งขยะดีก่อเจ้า

เสียดายหนตาง

เปิ้นแป๋งมาหื้อได้ใจ๊กั๋น

บ่ะจ่วยฮักษาป๋ายบ่ะปอเอาขยะมาขว้างแห๋ม

หันแล้วเป๋นดีอิดอ่อนใจ๋เน๊าะปี้น้อง

ปัญหาการทิ้งขยะเรี่ยราดในเขตถนนเป็นสิงที่พบเห็นกันทั่วไป ผมว่าน่าจะเป็นวาระแห่งชาติในแง่การสร้างระเบียบวินัยและจิตสำนึกแก่สังคม ไม่งั้นประเทศเราจะเป็นประเทศที่ล้าหลังตลอดไปดูตัวอย่างดีจากสิงคโปร์และญี่ปุ่นซิครับ ท่านผู้มีอำนาจทั้งหลาย

อันนี้นาครับลุงแดง..... ขอชี้แจงแตนผู้ฮับผิดชอบเน่อ...
1. มีบุคลากร (ที่จะไปทำตรงนี้ กาว่าตี่ตั้งใจ๋จะไปทำตรงนี้) มีบะเพียงพอ บุคลากรมีแต่จะไปทำอย่างอื่น.... (กึ๊ดกั๋นเอาคนเดียว)...5555...
2. บ่อมีงบประมาณ (ตี่จะมาทำตรงนี้ เพราะจะต้องเอาไปทำอย่างอื่น) อย่างเพียงพอ เพราะจ๋ำเป๋นต้องเอาไปใจ้อย่างอื่น... (กึ๊ดกั๋นคนเดียวแหมเม๊าะ)...5555...
- กำเดียวเปิ่นก่อจะว่า วันๆ มีก่าก๋านลุงปอบะมาผ่อ... ละจะเอาเวลาตี่ไหนมาเยี๊ยะอั้นนาลุง.... เฮาว่าต้องว่าหื้อบ่าคนตี่มันเอาไปขว้างนั้นนะ ว่าเขาหมู่ฮั้นนะ มันไร้จิตสำนึกแต้ๆ จ่วยกั๋นแป๋งขี้เยื้อแต่เอาไปขว้างบ่าเป๋นตี่เป๋นตาง ไปขว้างหยังในโข่ปู้น... น่าจะเอาไปขว้างตี่ถังมันปู้นกะ ถ้าถังมันเต๋มกาว่าเปิ่นบะมาเก็บเพราะต้องไปเยี๊ยะก๋านอย่างอื่น เฮาก่อจ่วยกั๋นหน่อยกะ เอาไปหื้อเปิ่นตี่หน้าตี่ทำก๋านเทศบาลเปิ่น เปิ่นจะได้เก็บง่ายขึ้นแหมหน่อยบ่าต้องใจ้เวลาไปเก็บไก๋ๆ จะนั้นนา ลุงว่าดีก่อ... เหอ เหอ... (เดียวจะหาว่ามุขเก่า... ฮิ ฮิ)...คลิกเพื่อดูไฟล์แนบ

จาอั้น ก็ต้องจัด เจ้าหน้าที่ไป จัดก๋านคนที่ บ่มีจิตสำนึก เหล่านั้น ครับ ทำวิธีได กา น่าจะเป็นวิธีทางกฎหมาย ครับ เพราะมาถึงขนาดนนี้แล้วเฮาคงทราบละครับ ว่าเฮาคงบ่าต้องมา รณรงค์ เรื่องจิตสำนึกแถมแล้ว

ใช้ฏกหมายเข้มๆ ซัก 3-5 ปี๋ เหมือนสิงคโปร์ เมื่อ 30 ปี๋ก่อน พอเข้าเข้าๆ ก็จะเกิดติดเป๋นนิสัยครับ เพราะถ้าเฮาบ่าเริ่มก็ลงจะเป๋นไป อย่างอี้เรื่อง โทษกั๋นไปโทษกั๋นมา เจ้าหน้าที่บ้านเมืองก็บอกว่าประชาชนบ่อมีจิำตสำนึก ประชาชนก็ว่า เจ้าหน้าที่บ่อเอาจริงเอาจัง อู้ไปก็เป๋นดี เจ็บหัวแต้ ครับ

อู้ยากครับ มันต้องปลูกฝังหื้อจากน๊อยๆเลยถึงจะมีส่วนจ๊วยตางหน้าได๊ แต่ต๋อนนี้คงทำหยั่งบะได้นักแล้ว เพราะหมู่คนใหญ่ๆกั๋นเองนั้นน๊ะ ขว้างกั๋น หัสชัดๆก่อขี่รถตวยก้นมาอยู่ดีๆ ยังขว้างออกมาตึงบุหรี่ตึงถุงขยะเลย กั๊บโจ๊โล๊ะ มันอยู่ที่ความเกยชินตวย สงสัยต้องหื้อเมื่องเจียงใหม่ใกล้เน่าก่อนก้า ถึงจะทำเป๋นแต๊เป๋นว่า