หลังจากไปจ่ายกาดมากวมแลง ๆ ก่อนก่อยแป๋งต้มส้มจิ้นหมู ...แต่ป๊าดดดดดดดดดดดโท ธรรมโมสังคัง เอ้ย!!! สังโฆ วันนี้นู๋ยังบะได้จดข้าวสักคาบเลยเมาไปแฮ่น...อิอิ....ไข้อยากกิ๋นข้่าวมากมาย เมนูฮองต๊องวันนี้ไปข่วยตู้เย็น ปะใส่เส้นโก้ยเต๋วเส้นหน้อย เต้าหู้ก่อมี ใบหอมแป้นก่อมีเหลืออยู่ กุ้งแห้งแห๋ม!!! ล่นนนนนนไปดึงถั่วงอกตี้ปลูกไว้หลังบ้าน แป๋งผัดไทยเลย แต่มันบะหมีหัวชายโป๊หวาน ถั่วดินก่อหมด บะเป๋นหยังคาบนี้เป๋น ผัดไทยกะเทย ก็คัวมันบะครบล่อ ฮิ้วววววววววววววกิ๋นหมู่ตั๋วเก่า

มาเลยน่อจ้าววววววว ถึงเวลาเตรียมคัว

- ซอยข่า ซอยจ๊ะไค ข้ามิ้นโตยยยยจะไปลืมเน้อว....
- เอาแก๋นโค้กตุ๊บหอมแดง หอมขาว เตรียมไว้เฮี๋ย
- ซอยหอมใหญ่ มะเขือส้มไว้โตย
- ห้ามลืมใบบะคูด เดวมันจะบะลำ ละห้ามใส่กะปิดเน้อจ้าวววบะใจ่หยังอ๊ะตะก่อนมันมีคนไทยเปิ้นมาแอ่วแล้วเปิ้นมาโจ่ยข้าจ้าวยะกิ๋น ป๊าดดดดดดดดดโท๊ะมันคุ๊ดกะปิใส่ในหม้อเดือด ๆ ของข้าวจ้าว ไข้หุ๋ยยยยยยยยยยยยยปั๊ดขนาดผ่อมันลุ๊ มันบอกว่าเข้มข้นดีนะอิ๊หว่ะ เอิ้วๆๆๆๆบะลุ๊ก บะลุ๊ก

ยังบะครบเตื้อต่อน่อจ้าวววว...

- เห็ดนางฟ้า ผั๋ยมักเห็ดฟางก่อใส่เห็ดฟางฮั้น ผั๋ยตี้มักเห็ดถอบจะไปเอาใส่เน้อววววววว ฮิ้ววววววววววว
- ซอยผักชีฝรั่งใส่หื้อมันดับคาวน่อ บะมักก่อบะใส่ก่อได้อ๊ะ ผักชี หรือ หอมป้อมฮั้นเน๊าะใส่ตวยน่อ
- พริก ข้าจ้าวไข้ใส่พริกแห้งคั่ว มันหอมดีน่อ เวลาจะกิ๋นก่อบิ บิใส่ในถ้วย ผั๋ยชอบใส่พริกกะแต้ก็ใส่พริกกะแต้ก่อได้เน้อจ้าว อันนี้แล้วคนมักน่อบะว่ากั๋น ขะแนงจะไปใส่พริกลาบก่อปอละ

เลมอนจ้าววววว แอ่นเร๊ ๆๆ

เริ่มตั้งหม้อเลยน่อจ้าว เอาน้ำใส่ตั้งไฟเลย เตซุปไก่ก้อนใส่สักก้อนก่อดีเน๊าะ พอน้ำเดือดสักกำเฮาก่อข่า จ๊ะไค หอมขาว หอมแดงลงน่อ เดือดแต๊ๆ ก่อเอาจิ้นหมูใส่ในหม้อ ใส่ซีอิ๊วขาว เกลือ น้ำปล๋าสักหน้อยก่อดี แต่นู๋บะใส่น้ำต๋านนาบะมักหวานมันต้องเน้นส้ม ๆ น่อ สักกำเดือดโบ๊ะ ๆ แล้วบ๋อเอาเห็ดลงเลยน่อ ใบบะคูด หอมใหญ่ บะเขือโส้่มมมมม อะหยังบะได้ลงก่อเอาลงเลย ส่วนผักถ้าจะโป๋งหม้อลงก่อยเอาใส่น่อ มะนาวโตยน่อถ้าใส่ต๋อนมันเดือดโบ๊ะ ๆ มันจะขม บะล๊ามมมมมมมมมมมบะลาม

หือ ๆ เสร็จแล้วบ๋อ ห๋อมมมมมมมมมมอ่ะ ห๊อม หอม ปิดแก๊สเรียบร้อยแล้ว ข้าจ้าวเอามะนาวใส่ก่อนเน่อ ผักตวยเน้อไปลืมใส่หมดฮั้น บิพริกใส่เลย หอมดีคั่วใหม่ ๆ ล่อ เนี๊ยะข้าจ้า่วว่าผั๋ยจะยะกิ๋นอะหยังก่อจ๊างน่อ บะดีไปซื้อพริกแห้งตี้เปิ้นคั่่วเน้อจ้าววว บะใจ่้หยังอ๊ะ หอมก่อบะหอม ออกฮาก่อเฮาก่อบะหัน คั่วเองเลยจ้าว ได้รสชาิติดีเหลือแต๊นา แป๋งโก้ยเต๋วกิ๋นคนเดียวก่อคั่วคนเดียวเลย เสียเวลาสักนิด เพื่อชีวิตที่ปลอดภัย น่อ ฮิ้วววววววววววว

อันนี้ข้าจ้าวได้มีโอกาสก๋ายไปตาง JJ Market ย่ะจ้าววววว กะว่าจะไปซื้อยาสีฟันน่ะก่า อุ๊ย ๆ ๆ อะหยังเขียว ๆ เป๋นหลอด ๆ แอ่นเร่ๆๆๆๆ เกิดอาการคัน เลยแว่ผ่อ(ผ่อบะดาย)สักหน้อย ตี้ไหนได้บรรยากศมัีนดีล่อ (เกิดอาก๋านแฮ่น...ไข้นั่ง) ปากั๋นนั่งเลยหันเปิ้นเอิ้นโปรก่อน 3 ทุ่ม 299 แถมคูปองอาหารแห๋ม 50 บาท คุ้มก่อจ้าว คุ้มเน้อวววว ถ้าสั่ง 2 ทาวฯ ฟรีแห๋ม 1 เหยือก ป๊าดดดดดดดดดดดโท๊ะทำโมสังโค เพื่อนสาวต้าแปมันสั่งกั๋นบะรอ ได้ตี้ละบ๋อหือ ๆ ปากั๋นไปตระเวนราตรีปิ๊กมาปอ 6 โมง ตุ๊ลุงเปิ้นปอออกคุมบาตร ฮิ้วววววววววววว

ผั๋ยได้มีโอกาสก๋ายไปตาง JJ Market ก่อแวะเข้ามานั่ง Heineken Park เน้อจ้าวคุ้มแต๊ ๆ ก่อน 3 ทุ่ม เพลงก่อเพราะ indy สุดพลัง บรรยากาศก็ดี เ้ป๋นดีไข้หื้อเปิ้นแป๋งลานน้ำพุกั๊ว

สุดท้ายนี้อยากบอกว่าฮูปมันบะค่อยงามเน้อจ้าว เพราะข้าจ้าวถ่ายบะจ๊าง ถ่ายไปเร่ยไปเท่ย ยับมาปรับนิด แต่งหน่อยค่อยงามขึ้นเหลือเก่าหน้อยยยยยยเดียว กล้องก่อบะจ๊าบเหมือนปี้ ๆ อ้าย ๆ ลุง ๆ ...อิอิ..แต่ก่อไข้มีฮูปงาม ๆ มาอวดแกงค์ cm108 พ่อง แต่ฉันก็ทำด้วยหัวใจนะ แอ่นเร๊ะ!!! คาราวะ 1 จอก ซียูเน้อจ้าวววววว...

ม่วนต่ะ .... ลีลาการบรรยาย บ่ธรรมดา ไชยา มิตรชัย แต๊ๆ ลุ!

แล้ว ลำ ก่อ กะหล่ำ หา
บะเอิ้นป้าไป จิม อ่ะ หุหุ อ้าย ใหญ่จ่างเปรียบ อิอิ

โหววว อิปี้กะหล่ำ เป๋นแม่ศรีเฮือนดีต๊ะ ไผได้ครอบครองอิปี้ นับว่าไ ด้ไปแล้วคุ้ม......ย๊ะได้ขับคิดขับโค่ยเน๊ออ ขอยกนิ้วหื๊อเป๋นเจ้าแม่ แถวโหล่มต้าแป เลยเน๊อวววว คลิกเพื่อดูไฟล์แนบ

ปี้กะหล่ำครับบบบบบบ.....
นอกจากจะเป็นสุภาพสตรียามค่ำคืนแล้ววว....
ยังจะเป็นแม่ศรีเรือน.ยามหิวแห๋มก่าครับบบบบ.....

เข้าสุภาษิตไทยเลยนานี่......

คลิกเพื่อดูไฟล์แนบ

..เอ่อออออออ.....ต๊กลงว่า...ต้มส้มจิ้นมู๋..หม้อนี้..กิ๋นได้..แม่นก่อ.....

เป๋นดีไค่ไปจิมต้มส้มหมูของกะหล่ำต๊ะ วันหน้าวันหลังจวนน้องหมวยไปจิมโตยเน้อเจ้า

ของมีประโยชน์ย่ะป้า ส้มปากอ่าน่อ ฮิ้วววววววววววววววววว

โค๊ะะะะะะะะะะะะะะะะะะะะะะอั้นก่อต๋ายกั๋นตึงต้าแปละก่าป้าเอ้ย

ถ้าโหม๋ยยยยยยยยยจะมากิ๋นเดวข้าจ้่าวจะไปยืมหม้อวัดมาแป๋งหื้อกิ๋นน่อ หม้อตี้บ้านมันหน้อย รวดยืมหม้อหุงข้าวแม่บ้านมาตวย


ปล*** ขอขอบพระคุณทุกท่านที่ให้การสนับสนุนด้วยดีตลอดมา ดิฉันขอสัญญาว่าจะดำรงตำแหน่งนี้และทำหน้าที่ให้ดีที่สุด "รักเด็กค่ะ"

โค๊ะ ข้าบ่ใจ่หล๋านปู่พามเน้อ แต่ถ้ากะหล่ำจะเอาหม้อวัดแป๋งแต้ ข้าเจ้าจะจวนจาวหมู่ในเวบไปโตย อิอิ

จะลำก่อหา ไค่จิมเหมือนกั๋นจะถ้าไปจิมกับปี่หมวยเน้อ

ยะกิ๋นเก่งจะอี้ เป๋นดีใค่ได้มาเป๋นปี้ญิงซักกำ..... สนใจ๋ก่อจ้าว น้องกาหล่ำ.... ????

คลิกเพื่อดูไฟล์แนบ

อ๋ายยยยยยยยยยยยยยย อ๊าย บะอาวเตื่อน่อ น่ากั๋ว เดวอ้ายบ่าวปี้จะเลี้ยงนู๋ด้วยลำแข้งลำขาน่าก่า ฮิ้วววว....