คือบ่อเข้าใจ๋ คนไทย(โดยรวมๆ) ว่าอะหยั๋งที่ตัวบ่อทำ หรือทำบ่อได้ ก็บ่อต้องทำสิ....ยะหยั๋งต้องมาหาข้ออ้างล้านแปด เพื่อจะ บ่อทำ นะ...อย่างเช่น วันนั้น ผมไปบริจาคเลือด คนตี้ทำงานผมก็ถามว่าไปไหน ผมก็บอกว่าไปบริจาคเลือด ตะเอี๊ยะ....เขาก็อู้ขึ้นมาว่า ไปบริจาคยะหยั๋ง เขาเอาเลือดเฮาไปขายนะฮู้ก่อ ผมก็บอก ผมไปบริจาคโดยตี้ระบุผู้รับ เขาก็อู้แฮ๋มว่า หยั่งใดมั้นก่อต้องเสียก้าหยุกก้ายา ก้าถุงเลือด ก้าพยาบาล ผมก็บอก ก็ยังดีตี้เขาได้เลือดบ่อใจ้กา....เขาก็ยังอ้างว่า เขานา บ่อข้อยแข็งแรง เกิดบริจาคไป ขับรถปิ๊กบ่อได้จะเยียะใด....เป๋นลมไป ใครฮับผิดชอบ....ผมก็ งง ล่ะถามไปว่า ล่ะอ้ายจะมาเดือดร้อนอะหยั๋งผม ผมไปบริจาคเลือด ปี้บ่อไป ใครก็บ่อเห็นเดือดร้อน...ปี้ถามว่าผมไปไหนมา ผมก็แค่บอกว่าไปบริจาคเลือด ล่ะปี้เป็นจม เป็นเดือดเนื้อฮ้อนใจ๋ อะหยั๋ง....เขาก่อเงียบ......

ล่ะแฮ๋มเตื้อ นี่แฮ๋มคน ผมก่อปั่นรถถีบเสือภูเขามาทำงานหื้อบ่อยที่สุด เต้าตี้จะทำได้ เพื่อประหยัดค่าน้ำมันรถ กับจ้วยลดโลกฮ้อน ผมปั่นมา ก่อปั่นของผมคนเดียว ผมก่บ่อเกยไปยุ่งใค๋ หรือจวนใค๋ปั่น.....ก็มีคนมาอู้ มาถาม ว่าบ่อฮ้อนกา เมื่อแลงรถนักบ่อกั๋วกา....เขานา บ่อปั่นมาหรอก กั๋วฮ้อน กั๋วมาทำงานสาย รถยางฮั่วก๋าตางยะใด....กำปิ๊กโดนรถต๋ำ รถจน จะว่าใด.....ผมก็ถามไปว่า ผมปั่นของผม ปี้จะเดือดร้อนยะหยั๋ง ล่ะปี้บ่ออยากปั่น ก็บ่อต้องปั่น หมู่ผมปั่นกั๋น ก่อบ่อเกยบังคับใค๋ปั่น วันอาทิตย์ ก่อแค่ปั่นรนณรงค์ บ่อดาย ใค๋จะทำก็ทำ...ใค๋บ่อทำ ก็บ่อต้องทำ....บ่อเข้าใจ๋ว่าทำไมเห็นผมทำ แล้วปี้บ่ออยากทำ แล้วต้องมาสร้างข้อจำกัดโตย ถามว่า ผมได้อู้ก่อ ว่า ใครบ่อร่วมมือ คือคนบ่อดี....ผมก็บ่อเกยจะจวนใค๋ด้วยซ้ำ เพราะต๋อนตี้ผมบ่อได้ปั่น ใค๋จวน ผมก็ตึงบ่อปั่น เรื่องหยั่งอี้มันต้องเจอด้วยตั๋วเอง...ผมบ่อบังคับใค๋.....ล่ะเขาก็ยังมามีหน้า(ง่าวๆ) มาย้อนผมอยู่นา ว่า...อั้นคิงก่อใจ้ไปเน่อรถถีบนะ บ่อต้องใจ้เน่อรถยนต์ เวลาป่อแม่คิงเจ็บปวยใกล้ต๋าย ก่อเอาใส่รถถีบนะเน่อ มาโฮงยา.....มันเป๋นจะเอี๊ยะ คนไทยนา...บ่อฮู้หมู่เฮาเป๋นกั๋นก่อ

ถ้าเราทำในสิ่งที่เราคิดว่าดี ไม่เดือดร้อนใคร

ถึงในส่วนที่เราทำไปเพื่อสังคมจะเล็กน้อยก็ตาม

ก้อทำไปเถอะครับ

ใครจะว่าอย่างไรก้อช่างเขา

อย่างบริจาคเลือด ถ้าวันหนึ่งเขาต้องใช้ หรือญาติพี่น้องของเขาต้องใช้

แล้วพยาบาลเดินมาบอกว่าเลือดไม่มี หรือมีไม่พอ

ต้องประกาศรอรับบริจาค

วันนั้นเขาจะรู้สึกเอง

บ่ เป็นหยังครับ อ้ายหนาน เฮาทำในสิ่งที่ ดี และเป๋น ประโยชน์ กับคนอื่น แล้ว สบายใจ๋ ใผจะว่า อย่างใดก็ ปล่ยเขาไป เต๊อะครับ ผมเองก็เอาตั๋วเก่า เป๋น ที่ตั้ง( แต่ต้องบ่า ทำฮื้อคนอื่นเดือนร้อนเน้อครับ) ทำอะหยังแล้วเฮาสบายใจ๋ ทำไปเลยครับ

เรื่องปั่นรถถีบก็ เหมือนกั๋น ผมอยาก ปั่นไปตึงวัน เพราะ กู้เจ้า ผมก็ปั่นออกกำลังก๋าย เป๋นวันล่ะ 10 กิโลแล้ว อยากจะปั่นไปทำงานโตย แต่ติดว่าว่า บ้างเตื้อต้องออกไป ติดต่องาน ภายนอกและไปส่งลูกไปโฮงเฮียนโตย แต่วันเสาร์ นี่ ผมปั่นมาทำงาน เป๋นประจำ เพราะทำงาน เกิ่งวัน จากบ้านสารปี มาทำงาน ที่สนามบิน ไปปิ๊ก 22 กิโล
ส่วยมากแล้วเพื่อน ร่วมงาน หาว่าผมเป็น ผีบ้าพ่อง บ่าเต๋ม พ่อง ผมบ่าฮื้อความสนใจ๋ครับ ตราบใดที่ผมบ่าได้ไปทำความเดือดฮ้อน ฮื้อใผ ครับ

เป็นกำลังใจฮื้ออ้ายหนาน ในก๋านทำความดีต่อไป ครับ

ผมปั่นรถถีบ ตี๋ 5 ถึงประมาณ เกือบ 6 โมงเจ๊า ตึงวัน ช่วงวงแหวนรอบ 3 จากถนนสายต้นยาง มาตางขัวน้ำปิง ต้นงิ้ว ปะกั๋น เอิ้นใส่กั๋นพ่องเน้อครับ [color="#0000FF"][/color]

[size="5"]ปี้หนานป่ะก่าหมู่ป่วงโลกแต๊ ...ไอ่หมู่นี้หนาวันๆมันบ่กึ๊ดอะหยั้งอะคับปี่หนานผมเกยป่ะมาเหมือนกันน
ขนาดมันเป็นถึงด็อกเตอร์มันยังถามง่าวๆๆยังมีเลยครับ...บางเตื้อมันบ่ใจ่กึ๊ดครับบตี่มันอู้มันถามมาครับ
ปี้หนานบ่ต้องไปใส่ใจกับมันครับคนหมู่นี่หนา....ถ้าบ่ถึงตั๋วมันฝ่องมันบ่ใจ่ฮู้.....เฮาย่ะของเฮาแล้วสบายใจ๋บ่ไปทำใครเดือนร้อนบ่รบกวนใครก่อปอแล้วครับปี้หนาน[/size]

ฮื้อกำลังใจ๋ปี้หนานตวยคนเจ้า เวลาเจ้าโดนก็กึ๊ดเหมือนกั๋น "ล้ามันเรื่องอะหยังของเขา ความเห็นหยังเฮาก่บ่ได้ขอ" แต่อย่างว่าเจ้า บัวมี 4 เหล่าน๊อ [size="16
"][/size]

เห็นด้วยครับ

คนทุกคน มีความ "แตกต่างกัน"

อย่าเอา "มาตรฐาน" ของตัวเรา ไปวัดคนอื่น

ขอสนับสนุนการปั่นรถถึบเน่อเจ้า

ปั่นได้ปั่นไป ได้ตึงสุขภาพ ได้ตึงลดมลภวะ

ไผ๋จะว่าหยั๋งปล่อยเขาเต๊อะเจ้า เขามีปากเขาก่อว่าได้

เฮาบ่ะต้องสนใจ๋ เพราะว่าบ่ะได้ไปปั่นในบ้านขา ฮิ๊ว

อี่ป้อคำก้อยก่ะปั่นรถถีบเจ้า

ปั่นเพื่อสุขภาพ และความพอใจส่วนตัว อิ๊ลุ

ปั่นต่อไปเน่ออ้ายเน่อ บ่ะต้องสนใจ๋

บ่ะได้เดือดร้อนจาวบ้าน จบข่าว เอวัง นะจ๊ะเอย

หั๋นอ้ายปั่นรถถีบผมก่อขอย...

รถถีบผมโดนลักไปเหียละ... อุตสาจะได้ใจ้ปั่นไปหั้นไปนี่ ประหยัดน้ำมัน ...

ก่ายตั๋วเก่าตี้มะได้ระวัง ปล่อยฮื้อคนอื่นมาลัก นั่นเต๊อะ...



(ฮูบ ค.ห. 4 โดนใจ๋ขนาด 555)