วันนี้จะขอนำเสนอเมนูอาหารของชนเผ่าลั๊ว (ละว้า) ตี้ได้ไปกิ๋นมาเมื่อต๋อนปี๋ใหม่
จื่อว่า "โต๊ะสะเบื๊อก" เป็นกำลั๊ว

โต๊ะ แป๋ว่า จื้นหมู

สะเบื๊อก แป๋ว่า ยำ

รวมแล้วเลยเป๋น ยำจื้นหมู แต่ยำนี้มันบ่ะส้มเน้อเจ้า มันเก็ม เผ็ดตะอั้น

แอ่นและ......... ผมก่อเกยไปกิ๋นมาแล้ว เปิ้นล้มหมูมาเลี้ยงต๋อนไปแจกผ้าห่มที่บ้านละอูบที่แม่อูคอ ชุมชนชาวลั๊วะบนดอยหั้นเปิ้นแป๋งมาหื้อกิ๋นเป๋นข้าวแลง เด็ดเน่อ..

โต๊ะสะเบื๊อก เป๋นอาหารของชนเผ่าลั๊ว (ละว้า) อาหารชนิดนี้จะได้กิ๋นก่อต่อเมื่อมีงานใหญ่ๆ เช่น เลี้ยงผีบรรพบุรุษ งานแต่งงาน งานผูกข้อมือ ต๊ะ (ปู่) เยื้อะ (ย่า) ซึ่งงานเหล่าจะมีก๋านฆ่าหมู หรือไก่ เป็นการเซ่นไหว้ แล้วเอาจิ้นสัตว์หมู่นี้ มาหยะกับข้าวเลี้ยงคนตี้มาฮ่วมงาน ส่วนมากงานใหญ่ๆ ปี๋หนึ่งจะหยะสักเตื้อ 2 เตื้อ มักจะใช้หมูเป็นเครื่องเซ่นไหว้นักกว่าไก่

อั๋นโล๊ะๆๆ อ้ายโอรสสวรค์ได้ไปจิมมาละเห้ยยยย

น้องไปกินเมื่อต๋อนปี่ใหม่นี่เจ้า เปิ้น "เป๋งก๋าน" หื้อ เยื้อะ (ย่า) ของคนหู้จัก
มันเหมือนงานสืบชะตาหื้อคนเฒ่าบ้านเฮานั่นแหละเจ้า งานนี้เปิ้นบุบหมูเลี้ยงคน
แล้วฮ้องคนบ้านใกล้เคียง มากิ๋นมาฮอม เหมือน กิ๋นสลากบ้านเฮาเลยเจ้า

อาหารตี้ขึ้นชื่อตี้นิยมปรุงได้แก่ โต๊ะสะเบื๊อก หยะจากจื้นหมูต้มสุก เอามาหั่นเป็นติ่นหน้อยๆ แล้วยำกับเครื่องปรุง ได้แก่ พริกขี้หนู หอมแดง กระเทียม ใบผักไผ่ ต้นหอม ผักชี และเกลือ รสชาติจะออกเก็ม และเผ็ดน้อยเดียว แต่ไม่ส้ม เพราะบ่ะใส่มะนาว กิ๋นกับน้ำซุป ตี้ใจ้ต้มหมูในเตื้อแรก

ส่วนหมูจะเป๋นหมูดอยซึ่งมันจะมีมันนักกว่าจิ้น ไอ้ตี้เป็นจิ้นๆ บ่ะค่อยจะมี มีก้ามัน จ๋นคนกินแซวว่า ถ้าจะบ่ะใจ้ โต๊ะสะเบื้อก ละก้า แต่เป๋น "มันสะเบื๊อก" เหียละ เหอๆๆๆ ถ้าจะแต่อย่างเปิ้นว่า ไซ้หาจิ้นปอบ่ะปะมีก๊ามัน ข้าเจ้ากั๋วตุ้ยเจ้า

น้ำซุป อี้เลาะ มีน้ำซุปตวยเน้อบ่ะใจ้ธรรมดานะ เป๋นนำซุปตี้เปิ้นต้มหมูต๋อนแรกนั่นละเจ้า เอามาซดหื้อคล่องคอ
มีผักกับตี้กินตวย จะมี ผักชี บะเขือตอแหล ถัวฝักยาว เจ้า เหมาะแต้ๆ

แถมข้าวเจ้าหื้อแห๋มถ้วย อิ่มแล้วเจ้า
ขอบคุณเจ้าตี้แวะมาจิม เอ้ย มากอยโต๊ะสะเบื้อก ตวยกั๋นเจ้า

นี่ไงโต๊ะสะเบื้อกของข้าเจ้า ... ห้า ปี๋ได้ละก้าที่ได้กิ๋นอะ.. ค้นเอาฮูปเก่ามาดู อิอิ

มันหมูดอยอะละต๊ะ

ท่าจะลำขนาดเน้อ....ส่งมาจิมซักหน้อยลอ..นู๋ตู่..

ยินดีนักนักเจ้าอ้ายโย่ง ตี้เอาฮูปมาหื้อกอย

555+ มันหมูดอยยำเจ้าอ้ายลิเวอร์จี

อิอิ เอามาหื้อจิมถ้าจะบ่ะลำเต๊าไปจิมถึงตี้เน้อเจ้าอ้ายสองปัน เพราะรสชาติได้ แต่บรรยากาศบ่ะได้เจ้า

ท่าจะลำแต้อ๊ะ.... ได้น้ำพริกแดงแอมแหมหน่อยต๊ะเด็ดๆๆๆๆ.... แต่น่าสังเกตก่อ... คนลั๊วะเปิ่นกิ๋นเข้าหุง เปิ่นบ่านิยมกิ๋นเข้านึ่งเน๊าะ...

อันนี้ก่อบ่ะหู้เหมือนกั๋นนะเจ้าว่าเปิ้นกิ๋นข้าวอะหยังเป็นหลัก แต่ตี้หันก่อกิ๋นข้าวเจ้าไปเหียนักละเจ้า

...โค๊ะ..อ่านกำแรกสะดุ๊งหม๊ดดด...เดวว่าหื้อไผ...เบื๊อก..เบื๊อก..อิ๊นา....ยินดีเจ้า...ภาษาใหม่..ฮิฮิ..

นากินจังง่า....แต่เอนดูหมู่เดียวกั๋น เห่อๆ....