บ่าได้มากระทู้อาหารเมินนักแกเพราะหว่างนี้บ่าค่อยได้ไปกิ๋นเข้าตางใด อยู่ก่าตี่เยี๊ยะก๋าน วันก่อนป้านิ่มจ่มไค้อยากผัดไทยแบบบ่าเก่าๆ หน่อย... กึ๊ดถึงผัดไทยแถวๆ ต่าแป ตะก่อนขายดีมีอยู่เจ้านึ่ง บ่าเดี่ยวเปิ่นย้ายเข้าไปอยู่ในกอง .... แต่มีแหมตี่ ย้ายมาเปิดตี่ข้างๆ โฮงยาแมคคอมิค... แถวๆ สี่แยกปริ้นรอเยล ก่าหา... ฮูปนี้กอยไปตางโฮงเฮียนปริ้นส์..

คลิ๊กเพื่อดูไฟล์แนบ

ฮูปอาจจะบ่าชัดต๊ะใดเพราะใจ้มือถือถ่ายเอา... เบรอเป๋นเบรอ เอามาลงหม๊ดอะ.... ส่วนฮูปนี้กอยไปตางโฮงยาแม็คคอร์มิค...
คลิ๊กเพื่อดูไฟล์แนบ

ฮ้านนี้เซาะหาบ่ายากเพราะอยู่ใกล้โฮงยา กึ๊ดว่าเจ้าหมู่หลายๆ คนท่าจะเกยไปกิ๋นไปจิมมาพ่องละ... หน้าฮ้านเปิ่นมีป้าย เห็นชัดเจนว่า ผัดไทยห้ารส... รสอะหยังพ่องนี่ต้องไปจิมเอาคนเดียวเน่อ...
คลิ๊กเพื่อดูไฟล์แนบ

ในฮ้านเปิ่นก่อมีโต๊ะมีเก้าอี้.. (เก้าอี้น่าฮักดี... เป๋นเว้าๆ นั่งม่วนไปอย่าง.. ฮิ ฮิ)... คนตั๋วหลวงๆ ก่อท่าจะกั๊บหน่อย เพราะเปิ่นวางโต๊ะติดๆ กั๋น เอาเน๊าะ แบ่งๆ กั๋นไป... เนื้อตี่มีหน้อย...
คลิ๊กเพื่อดูไฟล์แนบ

แถวๆ ข้างฝาเปิ่นจะมีป้ายเอาไว้หื้อบรรดาแฟนานุแฟน.. (ยืมกำอู้ของต่วยตูนมาใจ้หน่อย ฮิ ฮิ)... ได้เขียนระบายความในใจ๋ จะลำบ่าลำ กาว่าอ๊กหัก สมหวัง มากับไผจะใด เขียนได้เต๋มตี่... กาว่าง่อมๆ หละหว่างรอก่ออ่านไปม่วนๆ ก่อได้ ซ้ำเตื่ออาจจะอ่านไปป๊ะใส่ของแฟนเก่าหื้อช้ำใจ๋เล่นก่อนกิ๋นผัดไทยก่อจะได้กิ๋นลำขึ้นแหมหน่อยนะ...
คลิ๊กเพื่อดูไฟล์แนบ

นั่งแล้วก่อแหงะไปสั่งผัดไทยได้เลย... ฮ้านนี้บ่าต้องกึ๊ดนัก สั่งว่ากี่จานก่อปอ เพราะเหมือนกั๋นหมด เสมอภาคจะอั้นนา .....
คลิ๊กเพื่อดูไฟล์แนบ

หลังจากสั่งกั๋นเป๋นตี่เรียบร้อยก่อรออะก่า ถ้าเปิ่นผัดไว้แล้วก่อโวยหน่อย แต่ถ้ายังบ่าได้ผัดก่อรอซักกำ... กาว่าถ้ามีใส่ห่อนักๆ ก่อรอเมินหน่อย ต๋ามคิวไป บ่าต้องใจ๋ฮ้อนกำเดียวตึงได้กิ๋น... หละหว่างรอก่อสำรวจเครื่องปรุงไปก่อนเปิ่นแป๋งตี่ปิดแบบอนุรักษ์นิยมดีแต้ๆ เท่ดีโตย... เครื่องปรุงก่อมาตรฐาน น้ำต๋าน พริกป่น น้ำป๋า เป๋นหลัก... ใส่พริกนักๆ จะได้แซ๊ปปปปป....
คลิ๊กเพื่อดูไฟล์แนบ

ส่วนน้ำกิ๋นก่อบริก๋านตั๋วเก่าเปิ่นมีกระติกน้ำแข็งกับแก้วหื้อ เปิ่งตั๋วเก่าพ่อง ... ลุกไปตักคนเดียว.... แต่เปิ่นจะเอาอันนี้มาหื้อ... สะใจ๋แต้ๆ... ผักครับ ผักส๊ดๆ พร้อมบ่านาว บ่าต้องใจ้น้ำส้มหื้อเปื๋องหนังกระเพาะ... ฮิ ฮิ..
คลิ๊กเพื่อดูไฟล์แนบ

ผักส๊ดของเปิ่นมันเด็ดก่อตั๊ดมีหัวปี๋มาหื้อโตยยยย... อันนี้มันจู้กั๋นกับผัดไทยแต้ๆ หละอ่อนบ่าเดี่ยวซ้ำคนกิ๋นบ่าจ่างจะอี้หวะ.. (ก่อมอกเอาใส่ปากละเกี้ยวลืนมันยากจะใดถึงกิ๋นบ่าจ่าง...งึ๊ด...) ซ้ำได้ต้นกุยฉ่าย บ้านเฮาฮ้องว่าต้นดอกหอมแป้นมาโตยนี่นา... ไปโตยกั๋นโล่งๆ กิ๋นกั๋นแล้วละบ่าต้องไปปากกับไผอ๊ะ... อมอะหยังก่อตึงเอาบ่าอยู่... เหอ เหอ...
คลิ๊กเพื่อดูไฟล์แนบ

แอ่นแล้ๆ นั่งรอซักกำมาแล้วๆๆๆๆ ผัดไทยห้ารส น่าฮักมากๆ ก่อต๋อนเอายองมาบนต๋องนี่ก่า บ่าหันมาเมินแล้ว ตี่อื่นๆ ก่อใส่จานมาอั้นๆ แต่ตี่นี่เอายองมาบนต๋อง หื้อมันได้รสได้กลิ่นเหมือนเฮาห่อต๋องเมือบ้านแบบตะก่อนบ่าเก่าเมินมานั้นเลยละ.... เอาละกะ จั๊ดก๋าน เอาน้ำต๋านมาผุยลงไป เอาพริกป่นผุยลงไปนักๆ เอาบ่านาวบีบลงไปหื้อมันแซ๊ปๆๆๆๆ กิ๋นกับผักหวานๆ กรอบๆ เหน็ดแต้ๆ... บ่าฟังไผละเน่อ อี่ลุงจ๊ดก่อนละ....
คลิ๊กเพื่อดูไฟล์แนบ

ส่วนไผตี่กึ๊ดว่าจานเดียวบ่าปอยาใส้ก่อจั๊ดก๋านสั่งเบิ้ลมาแอมตางข้างได้เลย... จะได้บ่าสะดุ๊ด... แต่ขอเตือนไว้ก่อนนา... เห็นจะอี้ๆ กั๊ดเหมือนกั๋นเน่อ ขอบอก อย่างคนตี่จ่มๆ ว่าไค้อยากๆ นะ สุ๊ดท้ายเฮาก่อได้ไปฮ่วมฮับผิดชอบเหียเกิ่งนึ่งละ.... เลยเป๋นจะใดล่ะ.... กั๊ดก่าครับ.... กั๊ดต้องแต้ๆ...
คลิ๊กเพื่อดูไฟล์แนบ

แต่จะกั๊ดจะใดๆ ก่อผ่อเอาเต๊อะ... บ่านายเจี๊ยบบ่าได้ไปโตยงานนี้... เลยต้องใจ้นิ้วโป้งของป้านิ่มแตนไปก่อน... (ผ่อลอก๊ะ คนอะหยังนิ้วโป้งก่อยังงาม... อี้ลุ๊... ชมหน่อยเพราะเปิ่นเป๋นคนจ่ายซะตาง...ฮิ ฮิ)...
คลิ๊กเพื่อดูไฟล์แนบ

เฮ้อ... เอาละลำบ่าลำอันนี้ต้องไปลองเอาคนเดียวนะ.... มีอะหยังก่อเขียนเอาไว้เป๋นตี่ระลึกคนเดียวเน่อ ... ส่วนอันนี้เอาตี่เปิ่นเขียนไว้มาหื้ออ่านกั๋น อี่ลุงบ่าเขียนละ... ฮึ ถ้าลุกไปเขียนได้จะเขียนนักๆ กำมอ.... (กั๊ดลุกบ่าขึ้น....)...
คลิ๊กเพื่อดูไฟล์แนบ
เอาต๊ะอี้ละ.... ไปก่อนเน่อ... อายุวัณโณ... สวัสดี..

กินโตย ซักจานเต๊อะ......ของมักของผมกำแล้ว...

โค๊ะ อ้ายลุงตรีเจ้า เอามาจอบข้าแหมแล้ว

สีท่าวันนี้จะได้ไปเซาะกินผัดไทแถวประชาสงเคราะห์ละก๊านิ

น้ำลายปุ๊ อิอิ

เอา มาแจม อิอิ แต่ จ๊างม่อยเด้อ

ตึงหน้าฮ้าน // ป้ายเหลือง // ผัดไทยและ ผัก เจ้า ลำ แต๊ๆ ๆ เจ้า

ฮั่นตวยครับลุงตรี 55++ จะไดเป๋นอั้น หา ไขยาก กล้องมือถือยังขนาดนี้น๋อ