วันนั้นไปงานฤดูหนาวครับ ไปกั๋นหมดบ้านเลย ลุง ป้า น้า อา ไปกั๋นหมดเลย นั่งรถกะบะไปเต๋มหลังรถ ผมก่อนั่งหลังพอไปถึงตี้สี่แยกในศาลาก๋าง ตางจะเข้างาน รถหมู่ผมเขา ขับผ่านแยกนั้น กะจะไปเข้าตางหน้าปู้น เฮานั่งหันหลังบิ่นหน้ามองไปตังแยกตี้ก๋ายมานั้น มีรถน้องแม่ญิงคนนึ่ง ขับมาติดไฟแดงต่อ จากนนั้นก่อมีรถกะบะแหมกั๊น ขับมาจนใส่น้องแม่ญิงคนนั้น กระเด็นตกไปเลย แล้วรถกันนั้นก็หนี ทันที แล้วฝ่าไฟแดงตรงมา รถกันนั้นคงกึดว่าหมู่ผมเขาหัน มันเลยทิ้งระยะฮื้อห่างไว้ แหม บ่ ปอ มันปิดไฟหน้ารถ เพื่อ บ่ ฮื้อหมู่ผมหัน ป้ายทะเบียน หมู่ผมเขาต๋อนนั้นมากั๋นหลายละอ่งล่ะอ่อนคนเฒ่าก็มีนั่งมาเต๋มรถ ก็เลยกึดว่าคงได้แต่ช่วยในเรื่อง ติดตามป้ายไอ่รถกันที่มันหนี เต้าอั้น เพราะคนอื่นที่ติดไฟแดงต่อคงมาจ่วยน้องเปิ้น แหมหยังมันก่อเลยตี้เกิดเหตุมาไก๋ละ ก่อเลยต่อยรถฮื้อน้าคนขับรถผมเขา ชะลอรถลงดักเตรียมผ่อ ไอ่รถกันนั้น มันขับมาต่อโดยปิดไฟหน้ามาตลอด รถผมเขาดันมาจอดตั๊ดยูเทิร์นปอดี มันใกล้เข้ามาแล้วมายูเทิร์น หมู่ผมเขาก็เอิ้นฮื้อมันจอด และบอกห้ามหนี มันก่อบ่สนขับตี๋โก้งยูเทิร์นไปเวยขนาด แต่ก่อปอจดจ๋ำ ป้ายทะเบียนได้อยู่ ผมหันรถกันนั้น บ่ ได้ ขับคนเดียว มีคนนั่งมาจ๊าดหลาย แต่น้ำใจเอามารวมกั๋น คงบ่ น้ำลาย ถุย เดียว ผมหวังในฬจ๋ลึกๆว่า พวกมันจะสำนึก ยูเทิร์นไปตังแยกตี้เกิดเหตุ แล้วไปผ่อน้องเปิ้น แต่แหมใจกึดว่าคง บ่ ใจ่ คงบึ่งหนีไปเลยแน่ๆ เพราะดูเจตตนาแล้ว มันหนีอย่างหน้าด้านๆ(กว่าส้นตี๋นผมแหม) หมู่ผมจอดรถตี้งานฤดูหนาวแล้ว โทรแจ้ง 191(คุณกึดว่าแถวหั้น ภูธรไหนว่า..) ทันที.. พร้อมบอกป้ายทะเบียนไปตวย

ทางต๋ำหนวดก็รับเรื่อง และสอบถาม.. รายละเอียดอื่นๆ
(ซึ่งหมู่ผมได้แต่ ฮื้อข้อมูล เกี๋ยวกับรถกันตี้ หนี.. และสถานที่เกิดเหตุ)

แล้ว.. ก่อ ตอบ กลับ มาหาหมู่ผม ว่า "วู้... นึก ว่า อยู่ ตรงตี้เกิดเหตุ" แล้วก็วางหูไป..

ผม บ่ เข้า ใจ๋ ใน ใจ๋ คนเฮา แต๊เลย..

ฝากถึงคนนั้น น้อง(คนที่โดนจน) ก้ำ ว่าเสียใจตวยนะครับ ที่เจอเหตุก๋าน อะหยังตี้มัน ..แบบนี้
คงบ่ เป๋นยังนักนะครับ หายเวยๆ นะครับ

ผมหวังในใจ๋ว่า ต๋ำหนวด เปิ้นคงไปแหล่ะนะครับวันนั้น เปิ้นอาจหงุดหงิดช่วงนั้น ตี้ วันนั้นรถมันนักการจาราจร อาจทำเปิ้นหงุดหงิดได้..
แหมในใจ๋ ผมกึดว่า รถกันตี้จน คง กึดได้ แล้ว รีบขับยูเทิร์นอย่างเวย ไปจ่วย น้องเปิ้น (คง บ่ ใจ่ ว่า ขับ เวย ขึ้น ออกไปตังแม่ริม นะ ครับ
)

ผมพยามมองโลกในแง่ดีไว้นะครับ..

ยินดีจ๊าดนักนะครับ ถ้า เป๋นไปต๋ามตี้ผมกึดไว้

วันนั้นลูกผมไปตวย ผมได้อู้และได้ สอน เรื่องราวเกี่ยวกับ การช่วยเหลือ คน ในสังคมหื้อแกฟังไปแล้ว แต่สำหรับ ละอ่อน สองขวบ จะฟังฮู้เรื่องก่อนั้น ผมก่อจะสอนไปเรื่อยๆ ในทุกๆขวบชีวิตของแกน่ะครับ..

โชคไม่ดีเจอคุณตำรวย..หัวขวด!

เยี่ยมครับ นับถือมาก แต่ 191 ก็น่าจะฟังรายละเอียดให้ครอบคลุมกว่านี้น่ะครับ ขอให้คนที่ชนน้องเขา ให้ได้รับกรรมสนองมากกว่าที่น้องเขาโดนหลายสิบเท่าน่ะครับ (หากกลับไปช่วยก็ให้ถือเป็นความรับผิดชอบแล้วกันน่ะครับ)

เฮ้อ! บ้านเรา รถแดง วัยรุ่น การพนัน ยาบ้า การจราจร น้ำมัน ค่าสินค้า ปัญหาทั้งนั้น แต่เราก็ต้องดำเนินชีวิตต่อไปน่ะครับ

ถ้าเราโทรไปที่ 191 แล้วตำรวจที่รับเรื่อง เป็นอย่างที่พูดมา ให้จด วันที่ เวลา ที่เราโทรไปแจ้งเหตุ แล้วให้แจ้งเรื่องไปทาง
ผู้บังคับการ ตำรวจเชียงใหม่ เพราะว่า ตำรวจที่เข้าเวร วัน เวลา นั้น จะต้องเป็นผู้รับผิดชอบ ในการพูดกับประชาชน ช่วยกันเอา ตำรวจที่ไม่ดี ออกไป เราก็จะมีแต่ ตำรวจที่ดีดี ไว้คอยช่วยเหลือประชาชนต่อไป เพราะบางเรื่อง ผู้บังคับบัญชา เขาไม่ทราบเรื่อง ช่วยกัน ช่วยกัน นะคับ

เตื้อนึ่ง เกย นั้งซ้อนรถเครื่องเปื้อนไปซื้อของกาดลำไย จอดตี้สี่แยกไฟแดง ตางแยกกาดเมืองใหม่ โดนรถกะบะจน โท่ม รถโก่นหน้ารถมันเฮาเจ็บ
ไอ่รถกะบะมันบอกว่าย้ายรถเข้าข้างตางมาอู้กั๋น เฮาก่ละอ่อนซื่อ บ่าตันมัน ย้ายหื้อมัน กอนป้นรถมัน มันเปิ้นรถหนีเฉย รถเจ้าหมู่หื้อขี่มาซื้อคัวจะมีงาน
ตี้โฮงเอ๊ยน เอ๊า ยะจะได รถก่อหลุ คนก่อเจ็บตึงกู้ แต่พระเจ้าก่บ่ลืมเฮา ส่งคนมาจ่วยปกรถ ปฐมพยาบาล กั๋นจ๊าดนัก เฮายังประทับใจ๋บ่ฮู้ลืม กำลังงงว่าจะยะจะไดต่อไปดี ก่อมีคนขี่รถเครืองมาเอิ้นว่าฟั่งไปตี้ไหนเตื้อเน่อ ****คนตี้มันจนเฮามันก๋ำลังโดนต๋ำหนวดยับตี้ไฟแดงตี๋นขัวนครพิงค์ เป๋นว่าต๋อนไอ่รถกะบะหนี
มีปี้ปู้ยิงขี่รถเวสป้า ก๋ายมาปะเหตก๋านเห็นมันหนีเปิ้นเลยขี่ไล่ตวย แหมบ่าปอ เอิ้นต๋ำหนวดตี้สี่แยกซ้อนไปตวย ไล่มัน ต๋ำหนวดก่อจกปื๋นมาขู่ ฮ้องมันหยุดรถ
มันถึงได้หยุด ต๋ำหนวดก่อลากคอมันมาตี้เกิดเหตุ โดนปรับ ออกก้าซ่อมรถ ก้ายา ตึงหมด
ถ้าวันนั้นบ่าได้ปี้ตี้ขี่เวสป้า ไล่ตวยฮื่อเฮาถ้าจะแย่ ก่อขอผลแห่งก๋านทำดีครั้งนั้นของปี้เปิ้นส่งผลฮื่อปี้ ป้น จากโรค ภัยไข้เจ็ย ตกน้ำบ่าไหล ตกไฟบ่าไหม้ ฮิมาก๊าขึ้น ปันร่ำปันรวย ไปตางไดก่อฮื่อมีโจกมีลาภ อยู่เย็นเป๋นสุขเน่อเจ้า
เสียใจ๋มาเต๊าฮอดบ่าเดี่ยวตี้บ่าได้ ถามจื่อ ตี้อยู่เปินไว้ เมาสะดุ้งสั่นแถบๆ บ่าเกยปะเหตก๋านจะอั้น
ก่อเลยเป๋นตั๋วอย่างฮื่อตั๋วเก่าเวลาปะไผเดือดฮ้อน ก่อจะเข้าจ่วยเปิ้นตลอดเต้าตี้ แฮง กับปั่นยาจะมี

อุ๊ย...โรงพักช้างเผือกอีกแล้ว

เกิดมาเป๋น ต๋ำหนวดยะหยังงง วู้.... kalum

ตำกวด

เปิ้นท่าจะกึ๊ดว่าเฮาอยู่ในที่เกิดเหตุ ละก่อ จะฮื้อเฮาลงบันทึกประจ๋ำวันแตนเปิ้นก้า......

เรื่องต๋ำหนวดโฮงพักจ๊างเผือก เจี๊ยบก่อเกยปะเจ้า เรื่องมีอยู่ว่า เกยทำงานอยู่ร้านอาหารแถวหนองฮ่อเจ้า พอดีว่ามีอยู่คืน เม้าท์กะเปื้อนนักไปหน้อยเลยอยู่กั๋นปอดึกละ ซักตี 1 ได้ ต๋อนก๋ำลังจะแยกย้ายกั๋นปิ๊ก ก่อพอดีแก๊งค์แซ็บเปิ้นขี่รถเครื่องมากั๋นเป็นหมู่ ขี่ล่องเรียบคลองชลประทานไปตางร้านน้องฟลุ๊ก มีตึงละอ่อนแม่ญิ๋งป้อจาย รถเครื่องบ่อต่ำกว่า 30 กันเจ้า ส่งเสียงดังกั๋นขนาด ดีว่าตี้ร้านอยู่ฝั่งปากตางเข้าตี้ฝึก รด. แถมปิดไฟมืดแล้ว แก๊งค์นี้ก่อเลยบ่อหันว่าอยู่กันหน้าร้าน 4-5 คน บ่ออั้นเสี่ยงต่อก๋านมีชีวิตอยู่ต่อไปแน่ ๆ แถมเจี๊ยบจะต้องขี่รถปิ๊กคนเดียวแล้วก่อตางเดียวกั๋นกับหมู่นั้นเนี่ยก่ะปัญหาใหญ่ เปื้อนบ่าวมันก่อเลยรีบโทรบอกอ้ายต๋ำหนวดโฮงพักจ๊างเผือกหื้อเปิ้นรีบมาผ่อ เพราะกั๋วว่าจะขี่รถไปปะหมู่นั้นตางหน้าแหม แล้วก่อนั่งรออ้ายต๋ำหนวดไปเรื่อย ๆ ................ ป๊าดโถถถถถถถถ อ้ายเจ้า โฮงพักอ้ายอยู่ไก๋นักแกกา กว่าจะมาได้เป็นชั่วโมง ละอ่อนหมู่นั้นมันปอปิ๊กบ้านนอนละก่ะ แถมค่อย ๆ ขี่รถเครื่องจ๊า ๆ มากั๋น 2 คน แวะมาถามตี้ร้านแป็บนึง แล้วก่อ ค่อย ๆ ขี่รถจ๊า ๆ ออกไป ไค้หลับก่อไค้หลับ ก่อเลยเสี่ยงขี่รถปิ๊กหอ ดีว่าบ่อปะแก๊งค์แซ็บแหม เลยรอดมาเล่าหื้อเปื้อน ๆ ได้เจ้า

อย่างว่าน่าก่าปี้น้องงงงงงงงงงงง เสียสถาบันต๋ำหนวดตี้ดีๆหม๊ดลุ๊ ตั๊ดหน้า สน.จ๊างเผือกเนี๊ยะ รุ่นปี้ข้าจ้าวโดนกะชากกะเป๋า ตั๊ดหน้า สน.เลย ต๋ำหนวดก่อยืนผ่อบะดายละก่อเตวเข้าไป ปี้เขาฮ้องก่อเหมือนบะสน ละยังบอกเลยว่ายั๋งใดมันตึงยับบ่าได้ กรี๊ดดดดดดดดดดดด

....ก๋าหล่ำหน้อย...ไอเลิฟยู....เป็นตั๋วของตั๋วเองดีแต้เน๊าะ ชอบ...ชอบ...

ในหนังเปิ้นก่อแสดงฮื้อหันแล้วลอครับ ตำรวจ ส่วนมากมักจะมาตอนจบ อิอิ[size="6"][/size][color="#FF0000"][/color]