ร้านค้าดอกไม้บนทางเดินก่อนถึงที่ทำการจราจร หลังตลาดต้นลำใยติดแม่น้ำปิง ตั้งขายของบนบาทวิถีไม่มีทางเดินแม้แต่น้อย คนทั่วไปต้องเดินบนถนนเสี่ยงต่อการถูกรถชน วันก่อนไปเดินตลาดกับเพื่อนฝรั่งชาวต่างชาติ เพื่อนฝรั่งยังถามว่าเมืองไทยให้อภิสิทธิ์กับพ่อค้าแม่ค้าเหลือเกิน ปล่อยให้ชาวบ้านต้องไปเสี่ยงภัยบนถนน
ถามตำรวจจราจร ก็บอกว่ามีอำนาจบนพื้นผิวถนน บนฟุตบาท เป็นอำนาจของเทศกิจ สังกัดเทศบาลนครเชียงใหม่ของ เจ้ เดือนเป็งฯ ยังไงขอให้ตรวจสอบด้วยและจัดการให้เป็นระเบียบคืนพื้นผิวฟุตบาทให้กับประชาชนด้วย ซึ่งแต่ละร้านมีเนื้อที่ในการประกอบกิจกรรมมากอยู่แล้ว ยังมากินพื้นที่ฟุตบาทของชาวบ้านอีกไม่รู้ว่าเจ๊เดือนเป็ง เคยไปดูหรือไม่ และไม่อายแขกต่างบ้านต่างเมืองหรืออย่างไร ร้านค้าดอกไม้ฝั่งแม่น้ำปิงก่อนถึงที่ทำการจราจรเชียงใหม่ ทำอย่างนี้มันเกินไป

บ่ใจ๊ก๊าร้านขายดอก หมู่รถคิวตังหลายบ่ว่าสีเหลืองสีฟ้าปากั๋นยึดถนนยังกับว่าหมู่เขาฮอมซะตางค์กั๋นแป๋งไว้ใจ๊ จาวบ้านคนเสียภาษีหื้อหลวงแต๊ ๆ จอดก่บ่ได้ ยังมีร้านหื้อเช่ารถเอารถมาจอดจอง,เอาโต๊ะเก้าอี้มาวางจองไว้แหม สูมาเต๊อะ บิดาสูเขาแป๋งไว้กาครับ ลายมันออกมาหยั่งนี้ผมว่าต้องมีไผซกคนตี้แบมือฮับซะตางค์ทุก ๆ เดือนครับ

ฮ้านดอกฮิมน้ำ เมื่อตะก่อนเป็นทางเตียว สำหรับคนทั่วไป พอเปิ้นจะสร้างตึกจอดรถชั้นบนและชั้นล่างเป๋นตี๋ขายดอก
เลยย้ายแม่ก้า ป้อก้า ขายดอกไม้ ไปอยู่ฮิมฝั่งน้ำปิงชั่วคราว แต่ตึกก่อสร้างเสร็จแล้ว จะไดบ่อได้ย้ายปิกมา งงเต้ ๆ

อันนี้ต้องถามผู้บริโภคโตยเน๊าะ ..... ถ้าบ่ามีคนซื้อคัวตี่วางขายต๋ามฟุตบาท มันจะมีแม่ก้ามาขายก่อ... เป๋นต่าคนซื้อไปซื้อของบนฟุตบาทกั๋นนะ อันตี่เปิ่นจัดไว้หื้อขาย คนก่อบ่าค่อยไปซื้อ... บ่าฮู้เป๋นหยัง.... เรื่องนี้เรื้อรังมาเมิน เกยมีก๋านปราบปราม ก่อเป๋นเรื่องเป๋นราวกับแม่ก้า... มีกำอ้างง่ายๆ "คนต้องทำมาหากิ๋น มันดีกว่าไปลักไปจ๊กเปิ่น" เขาว่าจะนั้นกั๋นนา..... เฮ้อ... สุ๊ดท้ายมันก่ออยู่ตี่คนซื้อนั้นนะ....

เรื่องมันมีมาตั้งแต่สมัยอ้ายปกรณ์ กับอ้ายบุญเลิศเปิ้นเป๋นนายกฯแล้วครับ ไล่พ่อค้าแม่ค้าที่ขายดอกไม่บริเวณตี้ว่างล้อมสังกะสีไว้ มีบริษัทหนึ่งมาประมูลก่อสร้างอาคารที่เอนกประสงค์สำหรับจอดรถและทำการค้าขายได้ ชำระเงินงวดแรกไปให้กับทางเทศบาลแล้วแต่เงินมันไปสดุดตรงกระเป๋าใครไม่รู้ แล้วเรื่องการก่อสร้างก็เงียบไป เกือบ3ปีแล้วที่ยังคาราคาซังอยู่อย่างนี้ อี่ปี๋เดือนเป็งปุด เปิ้นแจกยาหอมมาว่าจะฮื้อย้ายเข้าไปอยู่เหมือนเดิม แต่ว่าเรื่องก็เงียบไปแหมละ เฮ้อแล้วจะฮื้อเยี๊ยะจะใดกั๋นดีครับปีน้อง