ได้มีโอกาสไปแอ่ว เมกา มา ก่อเลยเอาฮูปมาฝากกั๋นเจ้า แต่ไว้ที่บล๊อคตั๋วเก่า
มีคนแนะนำหื้อเอามาไว้ตางนอกผ้อง เพราะว่าคนเมือง คนไทยในต่างแดน ง่อมขนาด
เลยรวมมิตรหื้อก่อแล้วกั๋น เต็ม ๆ ก่อมีตี้บล๊อคข้าเจ้าเน้อ
ก่อฟั้งก่ายเตื้อยเน้อเจ้า....

ก่อได้มีโอกาสไปแอ่วน้ำตก Niagara ตี้ NY ตื่นเต้นขนาด
ขับรถจาก OHIO ไปประมาณกึ่งตอนป๋ายแหมสองจั่วโมง
แน่นอนอยู่แล้วต้องมีการจั๊กฮูปวิวจากห้องนอน

บ่อว่าฟ้าใสฟ้ามืด น้ำในแม่น้ำก๋อต้องทำหน้าตี้หื้อดี
คือต้องไหลมาตี้นี่หื้อคนได้ผ่อถึงความยิ่งใหญ่ของมันว่า
ยิ่งใหญ่ มีความสูง ความงาม ขนาดไหน ถึงต้องยกนิ้วหื้อ

น้ำตี้แม่น้ำนี้ไหลมาจากเมืองไกล หู้สึกว่ามาจากหลายรัฐ
ไหลข้ามวันข้ามคืน ใจ้เวลาเมินเหมือนกั๋น
กว่าจะเดินทางมาถึงน้ำตกแห่งนี้

มาตี้สุดมาถึงปากเหว เป๋นขอบโก้งถ้าผ่อตาง เมกา จะหั๋นความหวาดเสียว และสัมผัสเสียง ละอองน้ำ
ประมาณว่าริงไซ้คเวลาผ่อคอนเสริต์อี้น้อ
แต่ถ้าผ่อตางแคนาดาจะหั๋นความงาม อย่างหมู่ไฮโซนั่งผ่อโอเปร่าประมาณนั้น

ผ่อไกล ๆ จากจุดชมวิว

น้ำตกอันนี้อยู่ในเขตของประเทศแคนาดา
จื่อว่า Horseshoe Falls แต่เฮาได้ผ่อก้าตางเมกา
เพราะว่าบ่อได้ขอวีซ่าของแคนาดา

ลองถ่ายแบบมุมยอดฮิตของตี้นี่ผ่อ....

ปาดดดดดดดดดดด งามแต้ ๆ เน้อเจ้าปี้หมูตุ้ย อยากไปขนาด แต่ท่าบ่หมีวาสนาผ่อฮูปจากปี้หมูตุ้ยก้ดีใจละเจ้า ยินดีนัก ๆ เน้อเจ้าปี้ตี้เอามาแบ่งปั๋นกั๋น

จากโรงแรมมาตี้น้ำตกส่วนของ Horseshoe Falls จะเตียวมาไกลน้อย
ถ้าค้านเตียวก่อจะมีรถรางหื้อนั่ง แต่ต้องจ่ายตังค์โตย...

เกาะน้อย ๆ นี้มีจื่อว่า Niagara falls state park
และยังมีเกาะน้อยกว่านี้แหมเหมือนกั๋นหื้อไปแอ่วผ่อบรรยากาศน้ำไหล ธรรมชาติ ต้นไม้ หนตาง คน และกระรอก

ถ้าอิดก่อมีเก้าอี้หื้อนั่ง

เป๋นหอชมวิวตางฝั่งแคนาดา

ได้ผ่อก้าฮูปก่อดีใจ๋ขนาดเจ้าง๊ามงามๆๆๆๆๆๆๆๆๆๆๆๆๆแต้ๆๆ

คาสิโนตางฝั่งแคนาดา

โดนปาดดดดดดดดดดด เบรคปอป่าตัน ต๊กใจ๋หม้ดดดดด....
เลยถ่ายฮูปบ่าวบ่อชัดไปเลย 5555

หวัดดีเจ้าน้องหมวยคนงาม

หวัดดีเจ้าคุณนีน่า วันนี้บ่อบินกาเจ้า

นี่เป๋นเรือตี้ปาไปสัมผัสกับน้ำตกแบบสุด ๆ เลยเจ้า เดียวไว้จะปาไปผ่อแบบใกล้ ๆ
วันนี้ขอตั๋วก่อนเน้อเจ้า
ยังมีแหมหลายเจ้า ไว้มาต่อใหม่เจ้า

งามขนาดครับปี่..จะกอยผ่อฮูปเน้อครับ

หวัดดีเจ้าอ้ายสองปัน วันนี้ปั่นรถถีบไปแอ่วตี้ไหนผ้องเจ้า

มาผ่อกั๋นต่อเน้อเจ้า
สมัยก่อนน้ำตกตางฝั่งเมกา จื่อว่า american falls จะเป๋นจะอี้

ว่าจะใดน้องแมว เดียวตั๋วก่อจะไปแล้วนี่นา เอาฮูปงาม ๆ มาฝากกั๋นนั๊ก เน้อเจ้า

ต่อเรื่องน้ำตกเน้อเจ้า

เสียหินมันหยั่วะ น่าบุญเรือตี้ก๋ายไปบ่อเป๋นหยัง

ฮูปก่อนหินหยั่วะ

หลังจากหยั่วะ

เปื้นเลยกั้นน้ำเพื่อจะตรวจสอบผ่อว่าเป๋นจะใดผ้อง

เมื่อเช็คผ่อแล้วหั๋นว่าปลอดภัยเลยเปิดน้ำหื้อไหลเหมือนเดิม วิวเลยก๋ายเป๋นจะอี้

ใผ๋อยากจะสัมผัสละอองน้ำก่อสามารถเข้าไปผ่อใกล้ ๆ ได้เหมือนกัน

หมูตุ้ยเตียวไปเหมือนกั๋น
เตียวปิ๊กมาเหมือนเล่นน้ำปี๋ใหม่เลย

วิวงาม ๆ นี้จะต้องซื้อตั๋วเข้าไปผ่อ
หรือซื้อตั๋วขึ้นเรือไปสัมผัสน้ำตกในแม่น้ำก่อผ่อวิวได้เหมือนกั๋น

หลังจากผ่อวิวงาม ๆ แล้วลิฟท์ก่อจะปาไปต้าเรือ

ก่อจะได้เสื้อกั๋นฝนคนละตั๋ว
ต้องมัดแขน มัดตางลุ่มหื้อดี
เพราะว่าหน้าน้ำตกจะลมแหง
เดียวจะปึ้นขึ้น ตั๋วจะเปียกหมด

ก่อจะผ่านน้ำตกอันแรก american falls
อันตี้เฮาหั๋นตะกี้ ตี้มันหยั่วะ

แล้วก่อไปแหมอันหนึ่ง อันนี้จื่อว่า horseshoe falls
เข้าไปอยู่ข้างในเลยบ่อเปียก
แต่ก่อบ่อสามารถถ่ายฮูปได้นักเต้าใด
เพราะละอองน้ำล้อมรอบจะหั๋นบ่อชัด
แต่ก่อตื่นเต้นขนาด

ดูแล้วประทับใจมาก

ฟองน้ำก่อนั๊กขนาด ตกลงถ่าจะบ่อรอด
ม่านขาว ๆ นั้นน้ำตกเน้อเจ้า

ปิ๊กขึ้นมาตางบน
มาผ่อตางด้านซ้ายมือของน้ำตก american falls
ตะกี้นี้ผ่อด้านขวา กับด้านหน้า

ผ่อเต็ม ๆ น้อย

ถ้าหิ๋วก่อเข้าไปกิ๋นอาหารตี้ hard rock cafe

กับข้าวจาดลำ แต่บ่อได้ถ่ายฮูป
เพราะว่ามืดขนาด หิวก่อหิว (มือมันสั่น ๕๕๕)
เลยได้ก้าถ่ายปกเมนูกับข้าวก่อแล้วกั๋น

บรรยากาศตางในก่อจะมีฮูปเกี่ยวกับดนตรี มีกีต้าร์พร้อมลายเซ็น เต็มฝาปอบ่อมีตี้เหลือ

เตียวไปปะใบไม้สีแดง

ใบไม้สีเหลืองก่อมี

ใบไม้นี่ก่อจะเริ่มแดง ๆ ผ้อง

ได้ปะกระรอกขนสีดำ

ส่วนตั๋วนี้ขนตรงป๋าย ๆ จะออกสีขาว

เวลาต๊กใจ หรือส่องผ่อว่ามีอะหยังเกิดขึ้นรอบข้าง
กระรอกจะก๋ำมือไว้ตี้หน้าอกจะอี้

กระรอกตี้นี่ชอบกิ๋นแฟรนฟรายเหียเน้อ
ตัวนี้ร่นโตยก้นหมูตุ้ย จะขอกิ๋นแหมไง

ตี้จอดรถโดนนกยึดก๋ายเป๋นเบริด์ปาร์คเหียแล้ว

บรรยากาศทั่วไป

ตึกตรงก๋างออกฟ้า ๆ เป๋นคาสิโน
เตียวไปแอ่วผ่อ มีก้าคนเฒ่า (แม่ญิง)
เล่นสล๊อตนั๊กขนาดเจ้า
ปู้จายจะเล่นไพ่คล้ายป๊อกเด้ง
กับตี้มันหมุน ๆ แล้ว
แตงว่าลูกเต๋าจะตกลงไปเลขอะหยัง
ต๋อนเย็นตางนอกผ่อหย่างป่าจ้า
เป๋นว่ามาอยู่ในคาสิโนกั๋นหมด

ยังบ่อปอหั๋นโบสถ์อยู่ติดกับคาสิโนโตย

ถ้าอย่างบ้านเฮาคาสิโนอยู่ข้างวัดจะเป๋นจะใดผ้องก่อบ่อหู้เน้อ

หมดแล้วสำหรับทริปน้ำตกไนการ่า
แบบรวมมิตรย่อ ๆ เต็ม ๆ ก่อตี้บล็อคเน้อเจ้า
ขอบคุณตี้เข้ามาแอ่วผ่อห๋ากั๋นเจ้า

ชอบๆๆๆ อยากไปแอ่วผ่อง

ถ่ายฮูปมาง๊ามงามเลยเจ้า

ขอบคุณที่เอามาฮื้อกอยเน้อเจ้า

หวัดดีเจ้า คุณ เอมี่ จื่อเหมือนกั๋นเลย
ยินดีตี้ชอบเจ้า

งามดีแต้เจ้าปี้เป็นดีไค้ไปพ่องต้างามๆทั้งนั้เลย
เอ่อปี้เจ้าสุมาเตอะเจ้าหันก้าฮูปแล้วตี้มันเป็นสี่เหลี่ยมน๋อยๆดำๆ
มันอ่านบะได้เจ้าบะฮู้ว่าเป็นตี้ผึ้งหรือว่ากู้คนก่ออ่านบะได้เจ้า