คืนนี้ก่อว่าจะกิ๋นเหมือนกัน ปาดใส่แผ่นเครกเกอร์ ลำเน้อเจ้า

กิ๋นติ๊ดละครั้ง เดียวจะตุ้ยกว่านี้

อันนี้ก่อลำ

ปอใจ๋แล้วก่อจ่ายตังค์ ชีสก่อลำ คนขายก่องาม ต้องซื้อนั๊ก ๆ


แอบเก็บตกมาฝากลุงตรี หั๋นว่าบ่ากล้าถ่ายฮูปสาว ๆ บ่อหู้ว่าเพราะอะหยัง

เรื่องชีสก่อหมดแล้ว แล้วจะปาแอ่วตี้อื่น ๆ แหมเน้อเจ้า

กาดบ้านเปิ้นก่อม่วนเหมือนกาดบ้านเฮาเนาะ....แต่สีท่าเปิ้นจะเป๋นระเบียบเรียบร้อยกว่าบ้านเฮา
แต่ตี่แน่..ถ้าปี่หมูตุ้ยบ่าถ่ายฮูปมาหื้อกอย หมู่เฮาก่อบ่าหัน วิธีการทำ วิธีการขายของเปิ้น
จะอี้ก่อต้องขอบคุณปี่หมูตุ้ยนักๆๆๆเน้อ...ตี่อุตส่าห์ถ่ายฮูปงามๆๆ มาหื้อกันกอย...ขอบคุณครับ
ปล. เอาฮูปมาหื้อผ่อนักๆๆเน้อปี่.......บ่าเกยหันคร๊าบบบบบบบ

แอ่วกาดบ้านเปิ้นก่อม่วนดีเจ้า มีตึงคนซื้อคนขาย กาดบ้านเฮาบางทีมีก้าคนขายกับคนผ่อ ฮิฮิ...

น้องจ๊ะจ๋ามั๊กขนาด เลยอ่ะ ชีสสสสสสสสสสสสสสสสสสสสสสสสสสสสสสสสสสสสสสสสส

ยินดีจ้าดนักเจ้า เอาฮูปวิธีก๋านแป๋งชีสมาฝาก... ของตุ้ย ๆ จะอี้ ไผ ๆ ก่อมักน่อเจ้า...

มั๊กเหมือนกันเปิงเป๋นเจ้าหมู่โตยกั๋นเจ้า

จะเป๋นโตดก่อห๋า จุ๊เปิ้นตุ้ยเนียะ ข๋อยคนอยู่ปู้น เซาะกิ๋นได้ง่าย เห้อ!

ผ่อไปตึงม่วนตึงไค้อยาก.... กึ๊ดเติงหาเจ้าหมู่เลยกำแล้ว.... บ่าเดี่ยวก่อเป๋นขี้ปุ๋มหลามกั๋นเป๋นแถวๆ ซ้ำมาเห็นชีสสสสส ของปี่หมูตุ้ยจะนี้ซ้ำ.... เฮ้อท่าจะต้องไปจวนเจ้านายไปเพิ่มขี้ปุ๋มแหมแล้วก่านิ.... (ยินดีนักๆ กับเก็บตกตี่เอามาฝากครับ... คนขายน่าฮักแต้ๆ เน๊าะ... จะไปอู้ดังเน่อปี่กำเดียวเจ้านายได้งินละก่อ.... เหอ เหอ... ตั๋วไผตั๋วมันเน่อ... ฮิ ฮิ)...

ดีจะได้ตุ้ยเป๋นเปื้อนหมูตุ้ยเจ้า

เจ้านายอยู่บ้าน บ่อได้ยินก้าหา...

คุณหมูตุ้ย เอาฮูปงามๆ มาฝากแหมแล้ว ...ติ๋วอยู่ตี้นี่มาห้าปี๋ป๋ายแล้ว ยังบ่อเคยไปแอ่วกาดชีส ตี้ Alkmaar เลย แล้วตี้คุณหมูตุ้ยไปถ่ายฮูปตี้โฮงงานทำชีสนั่น ต้องไปกะทัวร์ก่อเจ้า กะว่า ขอเปิ้นเข้าไปดูได้เลย

หวัดดีเจ้า ห๋ายไปตั้งเมิน กึ้ดเติงห๋าขนาดเจ้า ฟาร์มตี้เข๋ายะชีสนั้นพอดีเป็นเปื้อนของสามีเจ้า หมูตุ้ยเลยลวดได้ผ่อวิธีก๋านยะ

แต่ถ้าไปแอ่วฟาร์มตี้เปิ้นยะชีสไปขอผ่อวิธีก๋านยะ เปิ้นถ่าจะหื้อผ่ออยู่ก้าห๋า เพราะดูสีท่าเข๋าจะใจ๋ดีขนาดเจ้า

จะใดก่อเข้ามาห๋ามาอู้กั๋นหมั่น ๆ เน้อเจ้า กึ้ดเติงหาเน้อเจ้าคุณติ๋ว