ก่อนอื่นผมต้องขอกราบสวัสดีงามๆ กั๊บเปื้อนๆ ปี้ๆ น้องๆ จาว 108 กู้หัวตั๋วคน กระผมกำลังเข้ามาสมาชิกใหม่ เหล่าต้านตังหลายมีสิ่งใดตี้จะแนะนำสั่งสอนกระผม ยินดีน้อมฮับเต็มตี้ เนื้อครับ
เอาละ เข้าเรื่องละน๊อะ เรื่องกำเมืองของเฮานี่หนามันเป็๋นอะหยังตี้ขำใจ๋ผมมาเมินละ (ขอแหย่การเมืองเหียน้อยน๊อะ) ผมบะเกยหันจะมีรัฐบาลสมัยใดมีกำกึดตี้จะ เอาภาษาประจำ๋ถิ่นของแต่ละภาครวบรวมฮื้อเป็๋นหลักสูตรของแต่ละภาค แล้วก้อนำไปบรรจุเป็๋นหลักสูตรต๋ำฮาเฮียนเข้าสอนร่วมกับภาษาไทย บะว่าจะเป็๋นกำเมือง กำอิสาน กำใต้ เปื้อฮื้อหละอ่อนได้เฮียนฮู้ ควบคู่กั๋นไปอย่างเช่นว่า ภาษาถิ่นว่าจะอี้ แปล๋เป็๋นภาษาไทยว่าจะอี้ แล้ัว3จังหวัดชายภาคใต้ยังฮื้อมีโฮงเฮียนสอนศาสนา(ภาษายาวี)ได้เลย
หรือว่าถ้าปล่อยฮื้อคนเหนือกับคนอิสานเฮียนฮู้ภาษาของตั๋วเก่านักล้ำไป แล้ววันหน้ากั๋วว่าจะปกครองยากเหมือนกับตี้เกิดขึ้นทางภาคใต้อยู่บะเดี่ยวนี่ก๊ะหา ก๊ะว่าปี้น้องกึ๊ดจะใด ลองจ่วยกั๋นว่ามาผ่อหล๊อะ

น้องแมวเจ้า... แมวตัวนี้..น่ากลัวขนาดเน๊าะ.. มันเป๋นพันธ์ผสมของจาวาก่ะเจ้า... ก๋าว่าตัดต่อพันธุกรรมเน๊าะ.. หน้าก่อดุหยังเปิ้นโขดไผ๋มาเป็นจ๊าดอ่ะเจ้า..อิอิ..

--------------------------------

อันเรื่องกำเมืองนี่นาเจ้า บ่าต้องกลัวว่าจะสูญพันธ์เน๊าะเจ้า ผ่อเอาเจ้าหมู่เวป 108 นี่ก่ะเจ้า ขนาดพิมพ์กำเมืองยากล่ะนา เจ้าหมู่เฮาก่อบ่าละความพยายามเจ้า ฝึกฝนหมั่นพิมพ์กำเมืองใส่กันเหลือขนาด ขนาดว่าระดับเจ้าหมู่แฟนพันธุ์แท้นี่นา พิมพ์คำไทยกลางป๋อบ่าถูกกันอยู่แล้ว ปักอกปักใจกำเมืองกันขนาดเจ้า... ก่อหวังว่า คนรุ่นใหม่ ๆ จะอู้กำเมืองกันเน๊าะ... บ่าต้องอายเจ้า เฮาลูกคนเมือง เฮียนจบสูงระดับไหนก่อฮู้กำเมืองเต๊อะ.. จงภาคภูมิใจในกำเมืองเจ้า..แล้วจะฮักกำเมือง..