ตึงวันนี่หนาหละอ่อนวัยสะรุ่นบ้านเฮา มันอู้กำเมืองป๋นกำไทยไปนัก กำเมืองแต้ๆ มันบะไค่อู้กั๋น เขาว่าเชยบะตันสมัย อี้หวะ แหล้ววันหน้ากำเมืองก็จะถูกกำไทยกื๋นไปเหียหม๊ดหนะก้า ขอปี้น้องจ้วยกั๋นกึ๊ดกำหล้อ

หมู่เฮาก่อจ่วยกันอู้ กำเมืองนัก ป๊ะคนไทยภาคกลาง อีสาน ใต้ ก่ออู้กำเมืองกับเปิ้น...
ส่วนลูกหลานของหมู่เฮาก่อสอนเขาอู้กำเมืองหื้อคล่อง ส่วนจะส่งลูกหลานไปเฮียนภาษาอะหยังก่อ หื้อเฮียนเต๋มตี่...แต่ต้องหื้อลูกหลานเฮาอู้เมือง อู้ยอง อู้ลื้อ...ต๋ามท้องถิ่นตี่อยู่
.....แต่ตี่ผมบ่าเปิงใจ่เต่าใดก่อตรงตี่ ป่อก่อเมือง แม่ก่อเมือง อุ๊ยก่อเมือง อุ๊ยของอุ๊ยก่อเมือง...แต่หื้อลูกอู้ไทยหวะ...อยู่บ้านก่อหื้ออู้ไทยหวะ....บ่าฮู้เข
กึดจะไดเนาะ......

้้ ข้าเจ้าว่าถ้าป้อเเม่อู้เมืองใส่ลูก จะใดๆหละออ่นตึงอู้เมืองตวย ตี้สําคัญตางโฮงเฮียนหื้อหละอ่อนอู้กําไทยในห้องอันนี้บ่าเป๋นหยัง นอกห้องอู้เมืองก่า บางโฮงเฮียนห้ามหละอ่อนอู้เมือง สุมาเต๊อะหยังมากึดง่าวอย่างอั้น
น่าจะมีความสามารถอู้ได้สองภาษาก่ออู้ได้ภาษาเดียว อู้ได้หลายภาษาซํ้าดีกับตั๋วเก่า มันบ่าหนักอย่างหาบเปี้ยดอย่างแบกกระสอบข้าวสารล่อ ป๋ายหมะปอเป๋นเสน่ห์กับตั๋วเก่าเเหมตวญ
กําไทยจะใดๆกุ๊คนในประเทศอู้ได้ แต่กําเมืองคนเมืองอู้บ่าจ้างนี้น่าอายน่อเฮา

ครับต้อง จ้วยกั๋น บ่จะอั้น จะสุญแน่ กำเมือง ของเฮา ว่าแต่ว่า มันมาโผล่กระทู้ 108 โพสต์รูปได้จะใดเนี่ย งงงงงง เจ้าๆๆๆๆๆๆๆๆๆๆ

ล่ะอ่อนบ่ะเดี่ยว... อายก๋านอู้เมือง เพราะกึ้ดว่ามันเชย บ่ะตันสมัย ถ้าอู้ไป เขาจะว่า ขี้นอก... หลานหน้อย 2 ขวบ ไปโฮงเฮียนได้วันเดียว.. ปิ๊กบ้านมา ปั๊ดกำไทยเหียแส้บ...

เปิ้นหื้อแ่ต่งชุดปื้นเมืองอาติ๊ดละวันแล้ว.. เปิ้นยังบ่ะสอนกำเมือง ศิลปะวัฒนธรรมปื้นเมือง หื้อล่ะอ่อนในโฮงเฮียนในวันตี้ล่ะอ่อนแต่งชุดปื้นเมืองตวยหา...

...........อันแม็ก ก่อแอบมาเฮียน อู้ กำเมือง จ้าว.... ( แม็ก แอบมาเรียนพูดคำเมือง ) .....กำเมือง นาฮัก อู้หวาน ขนาด จ้าว..... แม็ก ชอบเวลาพวกคุณ ๆ พูดภาษาคำเมือง มาแอบอ่านบ่อย ๆ ค่ะ

อิอิอิอิ เริ่มต้น ก็ไปไม่ถึงเชียงใหม่ สะแล้ว แม็ก นะ ... ผิด อย่างไร ต้องขอ อภัย นะค่ะ .. ( ไม่มีคน สอน ค่ะ )

ผมว่ามันขึ้นอยู่ตี้ "จิตสำนึก" ของแต่ละคนนะครับ โดยเฉพาะครอบครัวตี้เป๋นคนเมืองแต้ ๆ

น่าจะสอนหื้อลูกหลานได้อู้กำเมืองตวย ...

แต่เต้าตี้ผมหัน ผมว่ามีละอ่อนแห๋มนักครับ ตี้อู้กำเมืองได้ ซ้ำมีคนใหญ่ตี้ฮ่วมกั๋นแบบนี้

กำเมืองเฮาคงบ่อหายไปง่าย ๆ ครับ อย่างหน้อยหมู่เฮาก่อจ้วยกั๋นอู้กำเมือง


ส่วนละอ่อนบ่าเดียว (ซ้ำละอ่อนวัยรุ่น) ผมว่ามันเป๋นช่วงวัย..ช่วงสั้น ๆ บ่อเมิน..มากกว่าครับ (เหมือนแฟชั่น )

ถ้าเกยอู้กำเมืองมาก่อน...กาว่าเป๋นคนเมืองแต้ ๆ เวลาตี้ใหญ่ขึ้น (เป็นผู้ใหญ่ หรือทำงาน)

เปิ้นก่อตึงอู้กำเมืองครับ (ถ้าบ่อใจ้หมู่ตี้ลืมคิง ...กาว่าลืมก๋ำพืด)

ก่อนๆๆ เฮียนไป น้องแม็ก กำเด๋ว ก่อ ได้ละ เจ้า

(หลานข้าเจ้าเฮียนอยู่ดารา ม.3 ป้อเปิ้นก็เป๋นคนไทย บ่าเดี่ยวก็อู้กำเมืองแล้ว
และหลานทำงานอยู่ Honda แฟนเปิ้นก่อเป็นคนไทย(สุพรรณบุรี) มีลูกอายุ 2 ขวบ
ผมหยิกเหมือนป่อเปิ้น
ตอนนี้ป่ออุ้ยแม่อุ้ยก่อสอนอู้กำเมืองโตย น่าฮักขนาด
ป้อแม่รุ่นใหม่ลองเอาไจ้ผ่อน้อ)

ถ้าจะว่า..บ่ามีคำเมือง.. คงจะบ่าไจ๋เน๊าะ... แต่มันจะเป็นคำเมืองแบบเพี้ยน ๆ ไปจากสมัยบะเก่าเน๊าะ... คำเมืองบางคำที่สมัยบ่าเดี่ยวบ่าอู้กันแล้วก็มี เช่น ผ้าต๊วบ...คือผ้าห่ม....( มีแห๋มหลาย ๆคำเจ้า..กึดบ่าออกล่ะ ) ที่เวลาไผ๋อู้แล้วคนจะใคร่หัวใส่ว่าเป็นจาวบ้านนอก... ละอ่อนสมัยใหม่ก่อเลยอู้กำเมืองแบบอาย ๆ ... ก่อบ่าเข้าใจเขาเน๊าะ.. ละอ่อนที่อู้กำเมืองน่าฮักขนาด... อู้เมืองได้แต่บ่าอู้... น่าเสียดายแต้ ๆ เจ้า..