คลิกเพื่อดูไฟล์แนบ
" ooH My God !!! "
คลิกเพื่อดูไฟล์แนบ
คลิกเพื่อดูไฟล์แนบคลิกเพื่อดูไฟล์แนบ
คลิกเพื่อดูไฟล์แนบคลิกเพื่อดูไฟล์แนบ เรื่องมีอยู่ว่า "บะก้วย" ชายซึ่งอันเป็นที่รักของ "บะหนั๋ดหน้อย" ได้ลืมคิงว่าจะต้องไป "แต๊มวีซ่าตี่แม่สาย"วันที่ซาวเก้า(29 ยี่สิบเก้า) ก่อคือวันพูกนี้จ้าว
คลิกเพื่อดูไฟล์แนบ
บะกอง บะก้วยหู้คิงก่อฟ้าวบอกว่าแมวหน้อย "ฉันลืมไปว่าต้องไปแต๊มวีซ่า เฮาต้องไปวันพูก" ห๋าาาาา วันพูก อ๋ายยยยยย ผ่อกำกิ๊ดลอจ้าววววว
ฟั่งบอกหยังอ้ายยังบะรอหื้อเปิ้นยั๊บส่งปิ๊กประเทศก่อนละก่อยบอก บะก้วยน่อบะก้วยคลิกเพื่อดูไฟล์แนบคลิกเพื่อดูไฟล์แนบ
คลิกเพื่อดูไฟล์แนบคลิกเพื่อดูไฟล์แนบ
ถ้าบะเติกว่ากั๋วลูกบ่าว+ลูกสาว ข้าเจ้าต้องก๋ำพร้าป่อตั้งแต่ยังหน้อยยังหนิ๋ด จะฝนบะกอกคมๆแล้วก่อสับหน้าผาก สับง้าง สับง้าง เอาจ๋นหัวแตกหัวแต๋นแต้ๆเลย .... แต่...... เรื่องมันบะง่ายเจ้า
มันบะง่ายเลยซักหน้อยเจ้า เพราะว่าช่วงนี้เป๋นวันหยุดยาวเพื่อเข้าผ๊ะษา จาวบ้านจาวเมืองเปิ้นก่อปิ๊กบ้านปิ๊กจองกั๋นหย๊าบๆๆ ละข้าเจ้าจะยะหยั่งใดไปแม่สายเจ้า ???? "รถเมล์"
ข้าเจ้าขอเซย์โนโดยตี่บะต้องกึ๊ด และตัดสิ๋นใจ๋เลย ว่าจะไปหรือบะไป คำตอบออกมาก่อคือ อึ๊อ เพราะว่าตะก่อนสมัยข้าเจ้า
เฮียนหนังสืออยู่ ไปแอ่วบ้านเปื่อนข้าเจ้าตี่แม่จัน ไปกั๋น 13คน(เลขงามโท๊ะ) เป๋นอันว่าคนขับเป๋นหวัดเจ้า ละก่อกิ๋นยาเข้าไปแล้วฝนก่อตก แล้วแอร์ก่อเย็น
แล้วคนขับก่อหลับใน แล้วรถเมล์ก่อคว่ำจ้าววววว
เหตุก๋านครั้งนั้นได้พรากเอาชีวิตเปื่อนข้าเจ้าไป 2 คน แล้วก่อเจ็บหนักแห๋ม 4คน ตี่เหลือรวมทั้งข้าเจ้ารอดได้อย่างหวุดหวิดเจ้า เพราะข้าเจ้าเก็บคองอเข่าได้ตันเวลาพอดี ....... กึ๊ด กึ๊ด กึ๊ด กิ๊ด กึ๊ด
และแล้วบะก้วยก่อกึ๊ดขึ้นได้ว่า "นั่งเครื่องบินไปก่า เฮาปากั๋นฟายไป(Fly=บิน)ก่อได้ลอ" เอ่อนั่น ฟายไปบ้านสูปู้นเต๊อะบะก้วย ฟายไปแล้วสูจะยะใดไปแม่สาย
มันบะมีสายก๋านบินไหนเน่อ ตี่จะได้บินลุกเจียงใหม่ไป ละไปจอดตี่แม่สายนี่นา
(ถ้าจะมีก่อมีก่าสายก๋านบิน One To Koo!!! เนี๊ยะสูจะฟายก่อล่ะ?????) ดั๊กแส๊ปไปได้ประมาณ 15 นาที
" หู้แล้ว ฉันหู้แล้ว เฮาเจ้ารถไปก่า เฮาขับรถไป ก่อยๆไป ใค่แวะไหนก่อแวะ ใค่ซื้อหยังข้างตางก่อซื้อ ใค่ปิ๊กมามะใดก่อมา ใค่ไปนอนกี่คืนก่อไป " .... เจ้า เป๋นกำกึ๊ดตี่ดี ดีมากๆถึงมากที่สุด
ตั้งแต่อยู่กิ๋นกั๋นมา 2 ปี๋ป๋ายจะ3 ปี๋บะก้วยก๋ำลังหล๊วกเหียวันเนี๊ยะเน่อเจ้า(อู้เล่นบ่าดายเน่อเจ้า แต้ๆแล้วหล๊วกเมินละ หล๊วกตั้งแต่ได้ข้าเจ้ามาเป๋น เกลิล์แฟรนด์ แล้วเจ้า) ละจะไปเจ่ารถตี่ไหนอ่ะ ?????
" ฉันจะไปหู้จะใูด ตี่นี่บ้านเธอ บะใจ่บ้านฉัน ฉันจะไปหู้ได้ใดว่าจะไปเจ้าตี่ไหน เธอน่าก่าไปถามผ่อแล่ว่า มีบริษัทรถเจ่าีตี่ไหน? ราคาต๊ะใด? สภาพรถดีก่อ? เรื่องมากก่อ? ใจ๊เอกสารอะหยั่งพ่อง ละตี่สำคัญ บริก๋านดีก่อ ? "
ป๊าดดดดดดดดดดด โท๊ะ เล่นลัวมาหลุ๊บๆๆๆอี๊หว่ะ ใผ๋จะไปตันได้ตอบหั้น ข้าเจ้าหมดปั๋นยาตี่จะตอบบะก้วยเจ้า .....
ก่อเลยต้องมานั่งจ่ม นั่งซ๊ามหื้อปี่น้องหมู่เฮาฟังนะเจ้า ว่าแต้ ว่าดี " บริษัทรถเจ่า ตี่ดีๆมีตี่ไหนเจ้า??? " ขอสุมาปี่น้องหมู่เฮาตึงหลวงตึงหลายจ่วยเอิ้น
คลิกเพื่อดูไฟล์แนบ จ่วยบอกแมวหน้อยกำเน่อเจ้า ว่ามีตังใด ตี่ไหน จะใด .....คลิกเพื่อดูไฟล์แนบ
จะยินดีตวยนักๆเจ้า เพราะว่าข้าเจ้าบะเกยสัมผัสกับร้านรถเจ่าซักกำเตื่อเจ้า จะใดแล้วขอจ่วยฟ้าวเอิ้นบอกอย่างโวยตวยเน่อเจ้า มันไกล้ถึงเวลาล้ำไปค๊ะเจ่นไปดังใดก่อบะตันแล้วเจ้า ..... ยินดีเจ้า ยินดีนักๆเจ้า
คลิกเพื่อดูไฟล์แนบ " บะหนั๋ดหน้อย ห้อย บะก้วยมาตวย เจ้า" คลิกเพื่อดูไฟล์แนบ
คลิกเพื่อดูไฟล์แนบ
คลิกเพื่อดูไฟล์แนบ
