พระธาตุจอมจ้อคู่บ้าน น้ำลาว หงาว อิง คู่เมือง ภูชี้ฟ้าลือเลื่อง งามประเทืองดอกเสี้ยวบาน[color="#8B0000"][/color]

คำขวัญเมืองเทิงครับ.......................

พระธาตุจ๋อมจ้อเป็นพระธาตุกู้บ้านของเมืองเทิง และเป๋นหนึ่งในพระธาตุเก้าจ๋อมอันศักดิ์สิทธิ์ของเจียงฮาย

เปิ้นกำลังมีก๋านบูรณะครับ...ด้วยแฮงจิตศรัทธาเปิ้นมาจ้วยกั๋น

ฮ่วมแฮงฮ่วมใจ๋กั๋นทำบุญ

ความอุดมสมบูรณ์ของเมืองเทิง............

เมืองเทิงเป๋นเมืองตี้มีแม่น้ำสามแม่มาปะกั๋น น้ำลาว น้ำหงาว น้ำอิง ทำหื้อเกิดแหล่งตี้อุดมสมบูรณ์
ตี้หันคือบ่กุ้งก้ามกราม แหล่งผลิตกุ้งก้ามกรามตี้ใหญ่ตี้สุดในภาคเหนือ
ขอบบ่อกุ้งเปิ้นมีร้านอาหารตวยครับ บรรยากาศดีมีหลายเจ้า

เป๋นแหล่งปล๋าน้ำจืดธรรมชาติ มีซะปะหื้อเลือก ปล๋ากด ปล๋าค้าว ปล๋าคัง ปลามง ฯลฯ

เจียงคำ...สมัยตี้มีความขัดแย้งเรื่องลัทธิก๋านปกครองพื้นที่ของเจียงฮายส่วนใหญ่เป๋นสีแดง
ต้องระดมก๋ำลังพลเรือน ต๋ำหนวด ตะหาร มาเพื่อปกป้องอธิปไตยของชาติ ทำหื้อมีผู้พลีชีพจากการสู้รบมากมาย

อนุสรณ์สถานตี้สร้างเป๋นตี้รำลึกถึงความกล้าหาญ เสียสละ เพื่อปกป้องหมู่เฮาหื้ออยู่ดีมีสุข

เจียงคำเป๋นถิ่นวัฒนธรรมของไทยลื้อ........ศิลปวัฒนธรรมต่างๆจะเป๋นของไทยลื้อครับ
วัดนันตราม ครับเป๋นวัดเก่าแก่ตี้ควรฮักษา

พระพุทธรูปประดิษยฐานใต้ต้นสาละ....ผ่อแล้วสงบสุข ร่มเย็น

ผ่อตางด้านหน้าครับ..............วิหารของเปิ้นยังมีความสมบูรณ์ สวยงาม

ผ่อจากตางนอกเข้าไป จะหันความสวยงามตี้ซ่อนอยู่ตางใน

ความสวยงาม ตี้สงบเยือกเย็น สมกับเป๋นตี้ปฏิบัติธรรมของพุทธศาสนิกชน

องค์พระประธานมองจากด้านข้าง................
คือหามุมมถ่ายยากครับ เปิ้นมีงานบวชตุ๊

ธรรมาสน์...ศิลปของชาวไทยลื้อ เสียดายหามุมถ่ายตี้หื้อได้รายละเอียดนักกว่านี้บ่ได้ครับ
ไผไปถ่ายมากำเน้อ

แต่มุมนี้ครับ...ผมชอบตี้สุด สงบร่มเย็นใต้ร่มพระบารมี
ไปมาเมื่อวา ไปธุระครับฟั่งไปฟั่งปิ๊กเลยได้มาฝากน้อยเดียวครับ

ไปแอ่วโตยอ้ายต๋าหน้อย ม่วนดีครับ.วัดไทลื้อเจียงคำ งามแต้ๆครับ งามกว่าหลายๆวัดไทลื้อตี้เกยหัน.ขอบคุณครับอ้าย

น่าไปแอ่วมากๆ ครับ

ไปแอ่วโตยอ้ายต๋าหน้อย ม่วนดีเจ้า ชอบพระพุทธรูปใต้ต้นสาละงามนักๆเจ้า วัดไทลื้อเจียงคำ ก่องามแต้ๆเจ้า

มาแอ่วเทิงกับเชียงคำด้วยคนครับอ้าย

ผมเกยไปมาเตื้อหนึ่งปี๋แล้ว...วัดนันตาราม...ตังหลังวิหารเปิ้นมีตี้สะสมของบะเก่าโตยแม่นก่อ...ครับ

อ้ายต๋าหน้อย ถ่ายฯมาพ่องก่อครับ...(เอามาลงหื้อผ่อพ่องน้อ)...

ผมตั้งใจ๋ว่าจะไปแอ่วแหมสักกำ...ถ้ามีโอกาส...ขอบคุณนักๆครับ....