สืบสานประเพณีวัฒนธรรมไทย เพื่ออนุรักษ์ให้คนรุ่นหลัง และเสริมสร้างความสามัคคี

ต๋ามบ้านผม หลังปี๋ใหม่ สัก วัน สองวัน เปิ้นจะมี ประเพณีการแห่ตัวเปิ่ง รดน้ำดำหัวผู้สูงอายุ ละก่อ สรงน้ำพระ ต๋อนแรก ก็แปลกจะว่าจะใดหยังมายะเอามะลูน แต่เปิ้นหื้อเหตุผลว่า ถ้ายะช่วง ปี๋ใหม่ ต่าง คน ต่างยุ่ง พ่อง ก็เมาไปแอ่ว งานมันจะบะเดิน ก็เลยอาศัย ช่วงหลังปี๋ใหม่เนี่ย คนมาจ่วยนักดี และก็ม่วนกันถ้วนหน้า ครับ

เข้ามาสืบสานวัฒนธรรมไทยตวยอ้าย digitalman ครับ

ปี๋นี้ ปี๋กุล เปิ่งหมู แต่ จาวบ้านส่วนใหญ่ เปิ้นจะแป๋ง จ้าง มาแห่กั๋น เฮาก็งง แต่ก็เดา เอาว่า ถ้าจะมีตัวเปิ่งตี้เป๋น หมู นำขบวน ละก่อ โตยมาด้วยจ้าง ซึ่งเป็นสัตว์ กู่บ้าน กู่เมืองเจียงใหม่เฮา

ยินดีครับ อ้าย namapong ปี๋นี้ผมบะได้ไปแอ่วไหน ก็เลย แอ่วต๋ามบ้าน ม่วนไปแหมหยั่งครับ

บะฮู้ว่าอ้าย namapong ได้ไปคุมเวที ตี้กาดสวนแก้ว ช่วงปี๋ใหม่ ก่อครับ หันฮูป ต๋ามฮั้นนักน่อย อิ อิ

อันนี้เป๋นจ้างแฮ๋ม ตั๋ว ตี้เปิ่น เอามาจู กันตี้วัด หมวดบ้าน ไผ๋ ไกล๋ น่อย ก่อ เอามาจูกันตี้ วัดก่อน ละก่อย แห่ ไปโตยกั๋น

ผ่อ ช้าง ด้านหน้าครับ จะหันว่าจาวบ้าน เปิ่น ไม่ได้แต่งหื้อ เริด หรู อลังการ์ เพราะว่าเปิ้น แต่ง เปิ่น ยะ กั๋น ต๋ามกำลัง ของตัวเก่า เปิ้นบะฝืน มีนัก ก็ยะนัก มีน้อย ก็ยะน้อย แต่สิ่งแต่เปิ่น ได้ คือความสุขใจ อิ่มอก อิ่มบุญ เปิ่นก็ได้เต้าเก่า บะได้ลดลงไปตาม ขนาด ของสิ่งตี้ทำ ครับ

ผ่อ ช้าง ด้านหน้าครับ จะหันว่าจาวบ้าน เปิ่น ไม่ได้แต่งหื้อ เริด หรู อลังการ์ เพราะว่าเปิ้น แต่ง เปิ่น ยะ กั๋น ต๋ามกำลัง ของตัวเก่า เปิ้นบะฝืน มีนัก ก็ยะนัก มีน้อย ก็ยะน้อย แต่สิ่งแต่เปิ่น ได้ คือความสุขใจ อิ่มอก อิ่มบุญ เปิ่นก็ได้เต้าเก่า บะได้ลดลงไปตาม ขนาด ของสิ่งตี้ทำ ครับ

ในงานวันนั้น เปิ่นก็มีการสรงน้ำพระ โตย เป๋น พระเจ้าแสนแซ่ ตี้ อัญเชิญมาจากวัด ตัง ล๋ำปูน มาประดิษฐาน ตี้วัดนี้ครับ



โพสต์นี้ได้รับการแก้ไขโดย digitalman Apr 18 2007, 13:23

พระพุทธรูป พระเจ้าแสนแซ่

ละเปิ่น ก็มีก๋าน ฮด น้ำ ดำหัว ผู้สูงอายุ ต๋ามบ้านโตยครับ

คนใหญ่ เปิ่นก่อ มาดำหัวคนเฒ่า คนแก่ ตี้เกย เลี้ยงดู สั่งสอนเปิ้นมา