จากพระราชวัง.... เฮาก่อเดินทางต่อ.... เป๋นเตื่อแรกตี่เฮาไปเคาะประตู๋เมืองใต้... เมืองชุมพร... ไปตางใต้หนตางเปิ่นซื่อแซ๊ด... ป๊ะเปิ่นขายกล้วยเล็บมือนาง จ๊ดกั๋นเป๋นเครือ.... แล้วก่อหลับ.... ฮ่าๆ และแล้วหาดทรายขาวก่อมาอยู่ตั๋ดหน้าเฮา.... (หลังจากหลงไปจ๊าดเมิน)...

หาดนี้มีประวัติมาน่าระทึก.... เปิ่นว่าทหารญี่ปุ่นมาบุกขึ้นหาดตั๋ดนี่นา.... พยายามกึ๊ดถึงบรรยากาศต๋อนนั้น... กึ๊ดบ่าออกว่า... คนเฮาจะรุกรานกั๋นไปฮิหยังหนอ....

ตี่หาดทุ่งวัวแล่นนี่มีตี่พักยายเป๋นแหลบ แต่ตี่มีจื่อน่าไปศึกษาก่อตี่ ชุมพรคาบาน่า... เปิ่นเอาทฤษฎีเศรษฐกิจพอเพียงไปใจ้.....

จากตี่เกยจะแย่ๆ (กาว่าแย่ไปแล้วก่อบ่าฮู้).... ต๋อนนี้เปิ่นสามารถอยู่ได้... ละฮู้สึกว่าจะอยู่ได้ด้วยความมั่นคง... เพราะว่าใจ้ขาของตั๋วเก่ายืน... เลยเป๋นสิ่งน่าสนใจ๋.. น่าศึกษาแต้ๆ...

บรรยากาศตี่หาดทุ่งวัวแล่นเงียบสงบดีเหมาะสำหรับไปพักผ่อน... หาดขาวๆ น้ำใสๆ... ลมจอยๆ... อ่า.....

ยามไปทะเล... แต่ละคนกึ๊ดอะหยังพ่อง.... กึ๊ดจะใดพ่อง....

ยามเฮาหันน้ำทะเลซัดเข้าหาฝั่งเหมือนจะหันอะหยังหลายๆ อย่าง น้ำทะเลบ่าเกยนิ่ง เหมือนจีวิตตี่เคลื่อนไหวไปติ๊กๆ เปลี่ยนแปลง ดูเหมือนจะเป๋นเหมือนเก่า แต่มันก่อบ่าเหมือนเก่าซักเตื่อ... มันมีความเปลี่ยนแปลงเป๋นธรรมดา..

ยามตี่เฮามีเฮือก่อทำหื้อเฮามีความทะยานอยากตี่จะออกไปต่อสู้กับทะเล .... มีความทะยานอยากตี่จะไปเฮียน ไปฮู้ทะเล.... เหมือนยามเฮามีสติสมบูรณ์ ก่อได้เฮียนฮู้จีวิต... ปราถนาตี่จะเฮียนฮูจีวิต...

ซ้ำถ้าว่ามีพละ มีก๋ำลังใหญ่โต.... ก่อเหมือนเป๋นเฮือใหญ่ตี่เข้มแข็งสามารถปาเฮาไปเฮียนฮู้จีวิตตี่ลึกล้ำเข้าไปได้นักขึ้นแหมจะนั้น.... พละ สติ วิริยะ ปั๋นญา ก่อก่อเกิดเหมือนเฮือใหญ่.... ปาเฮาไป ยังน้ำลึก...

ในน้ำลึกเปียงใด ก่อยังมีเกาะแก่ง.... ในจีวิตคนเฮาแม้จะตุ๊กยากเปียงใดก่อยังมีจิตใจ๋ตี่เป๋นกุศลอยู่พ่อง... เฮากึ๊ดจะนั้นนา...

เป๋นหยัง แล่น หจ้า แต้ ว่า ตั้งตะเจ๊ง ยังไปบ่าถึงไหน เตื้อ

ละมันก่อทำหื้อเฮาสนใจ๋ว่าในเกาะแก่งหมู่ฮั้นมันมีหมะหยัง.... มันเป๋นจะใด....

- เมาอู้ก๋านอู้งานกั๋นอยู่ครับลุงแดง จ้าหน่อยเน่อ.... ฮิ ฮิ... แถมกำกึ๊ดยังปุ๊ดๆ ขาดๆ จะเอี๊ยะโพสไป เยี๊ยะก๋านไป.... ต๋ามนั้นน่อ...

เกาะแก่งก๋างน้ำ ก่อเป๋นตี่มีคุณมีประโยชน์เป๋นตี่เปิ่งป๊ะอาศัยของสิ่งมีจีวิตหลากหลาย....

เหมือนยามตี่เฮามีความสงบ มีสติ มีปั๋นญา ท่ามก๋างความฮ้อนฮ้ายของจีวิต.... สติปั๋นญา ก่อเป๋นบุญ เป๋นคุณ เหมือนเกาะแก่งก่อจะนั้น....

เป๋นสิ่งตี่เฮาตึงหลายควรจะปากั๋นไปกอย ไปสำรวจว่าบุญว่ากุศลเปิ่นหื้ออะหยังกับจีวิต จีวิตตี่อยู่ท่ามก๋าง ความบ่าแน่นอน เหมือนทะเล ตี่ลึก ละก่อน่ากั๋ว....