บ่าได้เข้ามาฮ่วมม่วนงันกั๋นเมิน เมาก่าเวี๊ยกก่าก๋าน... ได้ไปแถวๆ เมืองผะเยา เลยเอาฮูปมาฝากเจ้าหมู่กั๋นหน่อย เอามอกหายกึ๊ดเติงหากั๋นน่อ... เริ่มจากน้ำตกธารทอง... ก่อแล้วกั๋น...

ถ่ายน้ำตกงวดนี้น้ำท่าจะบ่าค่อยนิ่มต๊ะใด... บ่าได้เอาขาตั้งกล้องลงไป เล่นขาตั๋วเก่าไปก่อนเลยได้ต๊ะเอี๊ยะ....

อันตี่ไค้หื้อชัดก่อบ่าชัด... หัวทีอันตี่ไค้หื้อบ่าชัดลู่จะมาชัด มันเป๋นเหียจะนี้ละจีวิตคน.... เฮ้อ เอาแน่บ่าได้....

ถ่ายน้ำตกจะนี้ บ่ามีขาตั้งกล้องนี่มันสีจะไค้กั๊บโจ๊ะโล๊ะแต้ๆ ละปี่น้องเหย.... แต่น้ำตกตี่นี่เปิ่นก่องาม งามจ๋นกึ๊ดเติงหาเจ้าหมู่ .....

ถ้าได้มาฮ่วมทริป โตยกั๋นก่อท่าจะม่วนดี.... แต่จะใดๆ งวดนี้ก่อได้อ้ายสองปันกับน้องหมวยไปโตยหื้อหายง่อม....

แล้วก่อเป๋นแหมเตื่อตี่ถนนก๊ดโก้งก่อปาเฮาไปตางหน้า..... เป้าหมายก่อเมืองผะเยา ของป่อขุนเปิ่นละน่อ...

ถ้าอู้ถึงเมืองผะเยา..... บ่าได้ไปกอยกว๊าน เป๋นว่าไปบะแผวละเน่อ.... จะอั้นงวดนี้เฮามากอยกว๊านกั๋นเต๋มๆ น่อ...

เมืองผะเยามีกว๊านเป๋นหน้าเป๋นต๋า.... อากาศ บรรยากาศ ฮิมกว๊านมันตึงม่วนงัน....

ส่วนนักแล้วก่อจะปากั๋นไปต๋อนยามแลงๆ ต๋อนพระอาทิตย์กะลังจะต๊กไปหล่ายดอยอี้นา.... มันตึงงาม คนก่อปากั๋นไปกอยบ่าว่าหนุ่มว่าเฒ่า...

เพราะว่าคนกับน้ำนี่มันเป๋นของกู่กั๋น.... บ่ามีน้ำ... คนจะอยู่อย่างใด...

ซ้ำพ่องเปิ่นก่อว่า.... น้ำฮื้อจีวิต.... น้ำเป๋นจีวิต.... น้ำหื้อก๋านเติบโตกับกุ๊สิ่งกุ๊อย่าง เป๋นอย่างกับแม่ตี่คอยเลี้ยงดูลูกเต้า.... จ๋นเปิ่นฮ้องว่า แม่น้ำ.... นับถือน้ำอย่างกับเป๋นแม่....แม่ผู้หื้อก๋ำเหนิด...

จะนั้น... เวลาคนเฮามีความสุข สบายใจ๋ ก่อปากั๋นไปยังฮิมน้ำแม่ ไปนั่งฮับลมเย็น ไค้หัวกั๋นคิกๆ จุ่มเนื้อเย็นใจ๋...

ยามคนเฮามีตุ๊กกั๊บในหัวใจ๋ก่อปากั๋นมานั่งเหงาก๊กง๊กอยู่กั๋นแถวฮิมน้ำแป๋งบรรยากาศแบบศาลาคนเศร้า.... เอากั๋นเปิง... แต่ก่อเป๋นตี่หื้อได้คลายตุ๊ก เหมือนนั่งอู้จ๋ากับแม่ก่อจะนั้น...

ก่อนับว่าแม่น้ำมีก่า มีกุนกับหมู่เฮาขนาดหนัก...

ว๊าว ว๊าว ว๊าว

เนียนแน๊ก ใสกิ๊กเรยเจ้าอ้ายลุงตรี

หันน้ำตกแล้วบ