อันว่าวันเสาร์ตี่ผ่านมา ลุงตรีและป้านิ่มคนใจดี... จวนไปแอ่วพะเยารอเธอ กับเจียงฮายรำลึก.......วันแรกไปแอ่วพะเยาก่อน หลังจากตี่ไปแอ่วต๋ามวัดต๋ามวา จนไข่วดีแล้ว...ตอนเมื่อแลงก่อปากันไปเตียวแอ่วแถวกว้านพะเยา เพื่อกินข้าวหื้ออิ่ม เวลาหลับก่อจะได้หลับม่วน...
ก่อนจะปิกเข้าพักผ่อนห้องไผห้องมัน...แถวๆๆ ฮิมถนนรอบเวียงประตูชัย.ตี่หน้าโรงแรมก่อมีป่อก๊า แม่ก๊า เปิ้นตึงมาจุกันตี่ฮั่น ยาวเหยียด ไค่กินอะหยังก่อเลือกเอาเต๊อะต๋ามสะดวก มีซะป๊ะ ของกินของว่า......

โพสต์นี้ได้รับการแก้ไขโดย ds2000 Apr 29 2008, 11:26

ผ่อเอาลอครับ....ภัตตาคารเคลื่อนที่...อย่างอี้พะเยาก่อมีเน้อ..............

ลุงตรีเตียวนำหน้า ละอ่อนอย่างผมก่อขอเตียวโตยก้นก่อแล้วกัน..555555555

..เตียวไป ถ่ายฮูปไป ผ่อของกินไป.....ม่วน ม่วน.......

ลาบก่อมี ส้าก่อมี หลู้ก่อมี.......

เตียวแอ่วไปเรื่อยๆๆ....จนมาสะดุดต๋าตี่ฮ้านขายน้ำเต้าหู้ เต้าฮวย นมสด ตี่นี่....
คนขายก่อยังเป๋นนักศึกษาอยู่เลย.......น่าสนใจ๋.......น่าลองจิมน้ำเต้าหู้....

ป้านิ่มก่อเอิ้นมาว่า.....ลองจิมผ่อบ๋อ...ลุงตรีตกลง ผมตกลง...จาวหมู่ตกลง......ว่าแล้วก่อไปจองหนึ่งโต๊ะ....555555

"ผมเอาน้ำเต้าหู้ครับ"........ได้จ้าว..รอกำเดียวเน้อจ้าว....

โพสต์นี้ได้รับการแก้ไขโดย ds2000 Apr 29 2008, 11:41

น้องเปิ้นก่อ จัดแจงตักใส่ในก๊อก อย่างคล่องแคล่ว........

มาแล้วครับ น้ำเต้าหู้ตี่ผมสั่ง...........อยากกินก่อจาวหมู่ จาวจุม......

อันนี้เป๋นของป้านิ่มครับ.........

มีเต้าหู้ ก่อต้องมีป๋าท่องโก๋...ทุกคนลองจิมแล้ว ลงความเห็นว่าป่าท่องโก๋ กรอบนุ่ม ลำ.....สังขยาก่อพอดี บ่าหวานล้ำไป.....
ส่วนผมก่อขอยกนิ้วหื้อเลย.เสียดายอ้ายเจี๊ยบบ่าได้ไปโตยกันเนาะ..จะได้หื้ออ้ายเจี๊ยบยกนิ้งหื้อซักกำเนาะ.....

เต่าตี่ผมกอยผ่อ ลูกก๊าเปิ้นนักแต้ครับ มาอุดหนุนบ่าได้ขาดสาย แม่ก๊าบ่าได้พักกำแล้ว........

ผ่อแล้วอบอุ่นดีครับ ป่อกับลูกจ่วยกันทำมาหากิน....

น้องเปิ้นจะมาจ่วยป่อแม่ ขายทุกวัน .ถึงแม่ว่าจะอิดก่อต้องอดเอา.....เมื่อวันไปเฮียนหนังสือ ตอนเมื่อคืนก่อมาจ่วยป่อแม่..
ผมก่อขอยกนิ้วหื้อเลยครับ สำหรับความขยันขันแข็ง ของครอบครัวนี้...

จาวหมู ไปแอ่วพะเยา ก่อลองแวะไปอุดหนุน แวะไปจิมพ่องเน้อ......ว่าจะลำอย่างผมว่าก่อ......มีซะป๊ะครับ....

ก๋ายไปตางถนนรอบเวียงประตูชัย ก่อผ่อเอาป้ายจะอี้ไว้เน้อ...จะได้บ่าผิดเจ้า.........สังเกตุง่ายจะอยู่แถวๆๆหน้าโรงแรมพะเยานอร์ทเทิร์นเลค....

สุดต๊าย ก่อฮูปแม่ก๊าคนงาม..มาฝากบ่าวในเวบทุกคนเน้อ.....อยากจะลองจิม ลองกอยก่อต้องไปกินตี่พะเยาเอาเน้อ.......น้องเปิ้นยินดีต้อนฮับครับ..........สวัสดีครับ....