วันนี้ลูกบ่าวไค่อยากกิ๋น "ข้าวเงี้ยว" สี่แยกข่วงสิงห์

ก่อเลยแว้บ เก็บฮูปมายั่วน้ำลาย คนมักหนมเส้นซักหน้อย..

ไปซื้อเจ๊าล้ำ หนมเส้นยังบ่อแล้วดีเตื้อครับ.. ได้ก้าข้าวเงี้ยวสามห่อ อิอิ..



เปิ้นใจ๊เส้นหมักครับ..

น้ำเงี้ยวสูตรดั้งเดิม อายุกว่าห้าสิบปี๋แล้วครับ..

เจ้านี้ น้ำหนมเส้นจะมีกลิ่นควันป๋นมาหน้อย.. ลำไปแห๋มอย่าง..

เอกลักษณ์คือเปิ้นใจ๊หลัว..(ฟืน)ครับ

กินหนมเส้นซักถ้วยเต๊อะครับ.....อาจารย์ลุงเล่นเอามาจอบตอนเมื่อแลงแห๋มแล้ว.....ยั่วขนาดเลย....

เก๊าหนที เปิ้นใจ๊หม้อดิน เยียะหื้อมีกลิ่นหม้อดินตวย.. (บ่าเดี่ยวเลิกใจ๊แล้ว)

เหมาะก้นหม้อข่างปอดำละต๊ะ

กิ๋นข้าวแลงนัก มันจ้างลงปุ๋ม(ลงพุง)ครับ (กิ๋นเจ๊าบำรุงก๋าย กิ๋นแลงบำรุงกาม(เปิ้นว่า)เน้อ)

ข้าวเงี้ยว (จิ้นส้มเงี้ยว-กำลำปาง) ก่อลำก่ะครับ..ซักสามห่อ

หนังปอง ตวยครับ..กิ๋นกับกั๋น ลำแต๊ ๆ

เต๊าอี้ก่อนเน้อครับ.. จะได้กิ๋นข้าวเงี้ยวเหมาะ ๆ

ของมักของน้องหมวยกำแล้วเน้อเจ้าอาจ๋านลุง ข้าวหนมเส้นน้ำเงี้ยวนี่นา ขอซักถ้วยเอามะนาวโตยเน้อเจ้า โอย.......ไค่อยาก ละอยู่ตางใดนิเจ้า

กิ๋นเต้าใดก่อบ่อเบื่อ น้ำเงี้ยวนี่หนา อาจ๋านลุงยะหื้อข้าเจ้า หิวแหมละ

ขับรถก๋ายฮ้านเข้าหนมเส้นข่วงสิงห์ยังตั๊กกับแฟนว่า ผ่อลอบะเดี่ยวจะกิ๋นอะหยังก่ะต้องถ่ายฮูปก่อน ไปตังใดก่ะปะคนก๋ำกล้อง นี่ท่าจะเป็นอาจารย์ลุงก๊า
เกยถามคนไต(เงี้ยว) ว่าหนมเส้นน้ำเงี้ยวเปิ้นฮ้องว่าจะใด เปิ้นบอกว่า "ข้าวเส้น" ตะก่อนคนเงี้ยวเปิ้นขายตี้กาดเก๊าลำไย (เดิมเปิ้นว่าเป๋นกาดของเงี้ยว) คนบ้านเฮาเลยฮ้องน้ำเงี้ยว แต่บะเดี่ยวคนเงี้ยวเปิ้นมักเข้าแลมฟืน อาหารจากหยูนหนาน ส่วนจิ้นส้มเงี้ยวเปิ้นฮ้อง "เข้าส้มอุ่น" คนเมืองฮ้องเปิ้นว่าเงี้ยว แต่เปิ้นฮ้องตั๋วเก่าว่า ไต กำว่าเงี้ยวอาจแสลงใจ๋กับเรื่องราวในประวัติศาสตร์ แต่คนรุ่นหลังบะใค่ฮู้บะใค่สนเต้าใด ฮู้ว่า น้ำเงี้ยวกับข้าวเงี้ยว ลำแต้ๆ ครับ

ความจริงบะอยากเปิดผ่อฮูปหมวดนี้เลย เพราะอาหารแต่ละตี้ ตี้ท่านสมาชิกนำเสนอหนี้ น่ากิ๋นทั้งนั้น สงสัยน้องพุงคงบ่ายุบแน่ๆ 555 อยากกิ๋นข้าวเงี้ยวขนาด ขอบคุณครับ อาจ๋าน สำหรับฮูปลำๆ

ลำแต้ก่า...ลองเอาใส่เส้นก้วยเตี๋ยวก่อลำไปแหมแบบเน่อ...หนังปองใหม่...ใหม่......อู้ยยยยย บ่าไค้กึด....ไค้อยากกกกกก :