หัวค่ำยามแลง กิ๋นข้าวกิ๋นปล๋าเสร็จแล้วง่อมหาของหวานๆ เลยออกมาเซาะอะหยังกิ๋นเล่นซักหน้อยครับ

โรตีแบบแผ่นบางมีขายหลายเจ้าเหมือนกั๋น ถ้าอยู่ตางแยกข่วงสิงห์ ก่ะลองไปจิมเจ้าในซอยโฮงพักจ๊างเผือก แต่ถ้าอยู่ตางแยกศาลเด็กลองจิมเจ้าหล่ายบริษัทรถเมล์เขียวดูเน่อครับ

ของกิ๋นต่างแดนตี้คนไทยฮู้จัก และมักขนาด

ทอดแผ่นแป้งกับน้ำมัน

เติมใส้ไข่กับกล้วยค้าว

หมั่นปิ้น บ่ะดีหื้อไหม้

แผ่นนี้ใส่ใส้ข้าวโพด

ของลำต้องฮู้คุณค่าของก๋ารรอ เลยลักผ่อคนขาย จะใดสาวแขกก่อน่าสนใจ๋ เป๋นดีใคร่ลักเมา

อันว่าความแตกต่างทางเจื๊อจาติเผ่าพันธุ์ และความคิด บ่ะเกยเป๋นอุปสรรคของก๋ารอยู่ฮ่วมกั๋น ของดีของลำฮ่วมกิ๋นใจ๊ตวยกั๋นได้

คนเหนือคนใต้ก่ะคือปี้น้องกั๋นทั่วโลก เมื่อถึงจุดสุกงอมหอมน่ากิ๋น ทุกอย่างย่อมลงเอยด้วยดี

แต่งเติมอรรถรสหื้อเย้ายวน จวนไหลหลง ความเคลือบแคลงแบ่งใจ๋ก่ะย่อมหมดเสี้ยงไป (หอมแต้ะ)

บางอย่างอาจต้องแบ่งแยก ตัดหื้อขาด เพื่อความสะดวกสบาย แต่ใจ้ว่าจะต้องหันหลังหื้อกั๋น (หระวังมีดเข้ามือเน้อ)

เติมความเข้มข้นมันหวาน เชื่อมประสานความเป๋นหนึ่งในรสชาด บ่ะสนแบ่งแยกเตรียมสะว้าบ

สุดต๊าย ก่ะอิ่มต๊อง ติดใจ๋ ใคร่กิ๋นต่อ จนปอเสี้ยง ลำแต้ๆ เฮย..

สุดยอดเลยครับ อ้ายก้อนข้าวเย็น...

ขี้ปุ๋มเน่อขี้ปุ๋มหละวังหื้อดีเน่อเจ้าหมู่..... แต่ว่าแต้ว่าดี.... ขอซักสองสามอันก่อดีเหมือนกั๋นเน๊าะว่าอั้นก่อ.... กิ๋นกั๋นแบบบ่าแบ่งเจื้อจ๊าดศาสนาละ.. จ๊ดเรียบ...

อ่า....ขอกรอบๆๆๆ....ใสนมเยอะๆ.....ซูด...

ว่าจะลดความอ้วนนา ต๊ะๆๆ

อ้าย.. หยังมาทำร้ายจิตใจ๋ คนไก๋บ้านอย่างข้าเจ้า อย่างแรง.....

ฮือ ๆ ๆ .... ผ่อแล้ว น้ำลายไหล... ใค่อยาก (ุตุ้ย) ขนาด.....

อยากกินๆชอบโรตี

ยินดีเจ้า บะค่อยออกบ้านไป ไหน มะคืน เลย


น่ากินดีแต๊ะๆๆเจ้า

หน้าโรงพักช้างเผือก ผมลองชิมมาแล้วครับ

แผ่นมันบางมากๆๆๆๆ แต่รสชาติดีครับ อร่อยมาก

ถ้าใครชอบแบบ บางๆกรอบเชิญเลยครับ


ผมชอบแบบหนานุ่ม เลยชอบไปซื้อแถว ถนน ท่าแพ ที่อยู่หน้าวัดที่ผมไม่ได้จำชื่อหน่ะครับ

เป็นคนอิสลาม เหมือนกัน ร้านนี้แนว หนานุ่ม กรอบนิดๆครับ แป้งอร่ยดี เหมือนกัน

ไว้มีโอกาสจะสอยภาพมาให้ดูนะครับ

ท่าจะหน้าวัดมหาวันแม่นก่อคับ?
ผมก็ชอบแบบแป้งหนาๆ นุ่มๆ แต่บ่ใส่นมกับน้ำตาล
กิ๋นบ่าดายๆ เนี้ยะ กาว่าเอาไปกิ๋นกับแก๋งกระหร่ไก่ ก่อจั๊ดลำนาครับ....ว่าแล้วก่อไค่อยาก ....

โรตีก็มัก มะตะบะ ก็ลำครับ อาหารประเภทนี้ มักขนาด อิ อิ

กิ๋นแล้ว ตุ้ยเน้อครับ

ผมชอบแบบหนานุ่ม เลยชอบไปซื้อแถว ถนน ท่าแพ ที่อยู่หน้าวัดที่ผมไม่ได้จำชื่อหน่ะครับ

เป็นคนอิสลาม เหมือนกัน ร้านนี้แนว หนานุ่ม กรอบนิดๆครับ แป้งอร่ยดี



เจ้าตี้ว่า ชอบเหมือนกั๋นเจ้า

รำขนาด นุ่ม