อ้ายโก้เล่นเอาขาวดำมาจอบกั๋นแหมแล้ว... ต๋ามสัญญาคร๊าบ... ขอลงโตยหน่อย เอาซักโหล แถมแหมฮุปสองฮุปเอ๊าะ.. ไหนๆ ก่อแป๋งแล้ว...

เล่นขาวดำ แบบเสตรทโฟโต้กราฟี่... ฮิ ฮิ... เห็นจะใด ถ่ายจะนั้น... งามบ่างามว่าแหมกำ... เอาอั้นนาสำหรับตั๋วเฮา...

ซ้ำหว่างนี้มีก่าก๋านเลยเล่นเอาขี้ค้านมานั่งแต่งฮูป (จ่างแต้บ่าค่อยมีฝีมือ ฮิ ฮิ..)... เลยเอาแบบว่าบ่าใช้โฟโต้ช๊อปกั๋นละ...

ตี่ว่าบ่าใจ้โฟโต้ชอ๊ปนี่เพราะว่าใจ้โฟโต้สะเขปแตน... ฮ่าๆๆๆ... ว่ากั๋นไป... แต่แน่ๆ หว่างนี้บ่าค่อยแต่งฮูปเลยละ มีจะใดก่อว่ากั๋นต๋ามนั้น...

แต่จะว่าไปแต่งบ่าแต่งบ่าใจ่ปั๋นหาตี่จะเอามาถกเถียงหื้อมันปวดกะโหลกเล่น เพราะสิ่งสำคัญของก๋านถ่ายฮูปคือ ก๋านตี่มีความสุขในก๋านถ่ายฮูปและเผยแพร่ฮูปตี่กึ๊ดว่าดีมีประโยชน์หื้อคนอื่นเปิ่นได้ฮับฮู้โตยอันนั้นเป๋นความสุขละ...

ก๋านนำเสนอเป๋นเรื่องของแต่ละบุคคลตี่จะมีความสุขในก๋านนำเสนอจะใด จะนำเสนอฮูปงามๆ โดยก๋านตกแต่งหื้อมันงาม เพื่อคนกอยเปิ่นจะได้ม่วนใจ๋ ก่อเป๋นเรื่องดีเรื่องถูกต้องต๋ามนั้น....

กาว่าจะบ่าตกบ่าแต่งอะหยังเพราะกึ๊ดว่าต๋าหันจะใด ก่ออยากหื้อคนอื่นได้หันอย่างตี่ต๋าตั๋วเก่าหัน.... มันก่อถูกก่อต้องต๋ามนั้นเหมือนกั๋น บ่ามีถูกมีผิด ... บ่ามีเก่งกาว่าบ่าเก่ง....

เพราะถ้าว่าถ่ายฮูปแล้วมาแข่งขันกั๋น ว่าข้านี้เก่งกว่าสู สูสู้ข้าบ่าได้ กาว่า สูหยังมาเก่ง ข้ามันหยังจ๋อมจ๊อกด๊อกด้อยบ่าเป๋นเรื่องเล๊ยยยย... จะนั้นละเป๋นเรื่องบ่าถูกตึงขึ้นตึงล่อง....

เพราะก๋านแข่งขันกั๋นมันมีก่าแป้กับก้าน (ชนะกับแพ้) มีก่าว่าคนนึ่งต้องดีใจ๋แหมคนต้องเสียใจ๋ เป๋นเรื่องตี่บ่าดี บ่างามตึงขึ้นตึงล่อง... บ่าใจ่สุนทรียะตี่บุคคลพึงมีได้จากก๋านสร้างสรร....


โพสต์นี้ได้รับการแก้ไขโดย loongtri Nov 14 2008, 13:39

แต่ก๋านมอบหื้อ มีก่าก๋านหื้อ หื้อความฮู้ หื้อมุมมอง... หื้อความฮู้สึกดีๆ ก๋านหื้อ และก๋านฮับ นั้นนะเป๋นเรื่องถูกต้องเป๋นเรื่องดีงามเพราะก๋านหื้อและก๋านฮับนั้น คนหื้อก่อมีความสุขใจ๋ คนฮับก่อมีความสุขใจ๋ มีแต่ความปรองดองสามัคคี มีก่าฮอยยิ้ม...

ก๋านสร้างความสุขใจ๋หื้อตึงตั๋วเก่าละก่อคนอื่นนั้นนะ ถึงจะได้จื่อว่าเป๋นผลงานตี่ดี ตี่เยี่ยมยอด เป๋นผลงานสุนทรียะ เป๋นสุนทรียะวัตถุอย่างแต้จริง....

เพราะก๋านสร้างสรรอะหยังก่อจ่างตี่ประกอบด้วยทุกข์ มีผลเป๋นความตุ๊ก อันนั้นนับได้เลยว่าเป๋นสิ่งไร้ค่า นับเป๋นสุนทรียะวัตถุบ่าได้เป๋นได้อย่างเก่งก่อแค่เศษขยะตี่รกโลก....